ماڭعىستاۋدا ءبىر توپ ادام بيلىكتەن جۇمىس سۇراپ ەرەۋىلگە شىقتى

1050
Adyrna.kz Telegram
فوتو: بەينەدەن سكرين
فوتو: بەينەدەن سكرين

ماڭعىستاۋ وبلىسىندا ءبىر توپ ادام ەرەۋىلگە شىقتى، دەپ حابارلايدى "ادىرنا" ۇلتتىق پورتالى.

ولار بيلىكتەن جۇمىس تالاپ ەتكەن.

ەرەۋىلگە شىققاندار جەرگىلىكتى باسشىلار مەن ۇكىمەت مۇشەلەرىنىڭ اراسىندا سىبايلاس جەمقورلىق ارەكەتتەرى بار ەكەنىن حابارلادى.

"بۇگىن 30 قاڭتار، تاڭعى 6:30, بيلىك وكىلدەرىنەن ەشكىم كەلمەدى، نە بولىپ جاتقانىن سۇرامادى. ءبىز – جۇمىسسىزدار، شامامەن 300-دەي ادام بارمىز، ءالى كەلەمىز دەگەندەر دە بار. ءبىراز ۋاقىتتان بەرى وسىلاي ساندالىپ ءجۇرمىز. بىزگە كەلىپ، كومەك كورسەتەتىن بيلىك وكىلدەرىنەن، باسشىلىقتان ەشكىم جوق. مەن ءوزىم قاراجانباستا جۇمىس ىستەيمىن، جۇرگىزۋشىمىن. ءبىزدىڭ جۇيە تۋرالى قىسقاشا ايتىپ بەرەيىن – قاراجانباستا 13 جىل بويى كاسىپورىندى توناپ كەلگەن ادامدار ءالى باسشىلىقتا وتىر. ەگەر سەن بىرەۋدىڭ جەرلەسى بولماساڭ، تانىستارىڭ جوق بولسا، قىزمەتتە وسۋگە، جۇمىسقا ورنالاسۋعا ەش مۇمكىندىك جوق، وسىلاي شىعىپ، تالاپ قويۋعا تۋرا كەلەدى. تالاپ قويعان كەزدە كومەك كورسەتىپ، باسشىلىقتىڭ جىبەرگەن قاتەلىكتەرىن تەكسەرىپ، حالىق ءۇشىن وسى ماسەلەلەرمەن اينالىسسا، وندا باسقا اڭگىمە. بىراق، وكىنىشكە قاراي، ولاي بولماي جاتىر. تەك ءبىر عانا كۇدىك بار – باسشىلار مەن ۇكىمەت وكىلدەرىىڭ سىبايلاس جەمقورلىققا قاتىسى بار، ءوز ادامدارىن ورنالاستىرادى، ءبارى سودان بولىپ جاتىر", – دەيدى جەلىدە تاراعان ۆيدەوداعى ەر ادام.

الاڭعا توپ بولىپ جينالعاندار داۋىستاپ "تالاپ ەتەمىز!" دەپ ايعايلاعان.

ء"بىز مۇنىڭ ءبارىن توقتاتىپ، تالاپ قويۋىمىز كەرەك. دۇڭعا كاسىپورنى بويىنشا وبلىس اكىمى نۇرداۋلەت قيلىباي مەن "قازمۇنايگاز" باسقارما توراعاسىنىڭ ورىنباسارى ەسقازيەۆ اراسىندا مەموراندۋمعا قول قويىلعان، بىراق ءالى كۇنگە دەيىن باسقا وڭىرلەردىڭ كاسىپورىندارىمەن جۇمىس ىستەپ، سول جاقتان ادامدار الادى. مىسالى، دۇڭعانىڭ وزىندە تۇگەلدەي دەرلىك اتىراۋلىق كاسىپورىندار جۇمىس ىستەيدى. سوندىقتان ءبىز ءوزىمىزدى جۇمىسقا الۋدى تالاپ ەتەمىز. جاقسى، اتىراۋدىڭ ادامدارى دا جۇمىس ىستەسىن، بىراق ايتقانىمىزداي، بىزگە دە نازار اۋدارسىن", – دەيدى ەر ادام.

 

Реклама
  • ИП Попов А.П.
  • ИНН: 602715631406
Онколог: "Папилломы на шее и в подмышках означают раннюю стадию…
Реклама
  • ИП Попов А.П.
  • ИНН: 602715631406
Пьяные что ли? Пугачева с мужем шокировали своим развратом
Реклама
  • ИП Попов А.П.
  • ИНН: 602715631406
Пышнотелая танцовщица заставила зал замереть! Только посмотрите
پىكىرلەر