ماڭعىستاۋدا 12 قۇرىلىس كومپانياسىنا رۇقسات زاڭسىز بەرىلگەن – پروكۋراتۋرا

ماڭعىستاۋ وبلىسىندا 12 قۇرىلىس كومپانياسى زاڭسىز رۇقسات العانى انىقتالدى، دەپ حابارلايدى “ادىرنا” ۇلتتىق قازتاگ-قا سىلتەپ. «ماڭعىستاۋ وبلىسىنىڭ پروكۋراتۋراسى قۇرىلىس سالاسىندا ليتسەنزيا بەرۋ زاڭدىلىعىنا تالداۋ جۇرگىزدى. ناتيجەسىندە 12 قۇرىلىس كومپانياسىنىڭ رۇقساتتى زاڭسىز العانى بەلگىلى بولدى»، – دەلىنگەن پروكۋراتۋرا حابارلاماسىندا. تەكسەرۋ بارىسىندا قۇرىلىس فيرمالارى وندىرىستىك بازالاردى ءبىر يەدەن جالعا الىپ، بىردەي ينجەنەرلىك-تەحنيكالىق قىزمەتكەرلەردى كورسەتكەنى انىقتالعان. بۇل زاڭبۇزۋشىلىقتار ليتسەنزيا الۋعا نەگىز رەتىندە پايدالانىلعان. بارلىق 12 ۇيىمعا اكىمشىلىك جازا قولدانىلىپ، جالپى سوماسى 5 ملن تەڭگەدەن استام ايىپپۇل سالىندى. قازىرگى تاڭدا بۇل كومپانيالاردىڭ قىزمەتى قۇقىقبۇزۋشىلىقتار جويىلعانعا دەيىن ۋاقىتشا توقتاتىلدى. پروكۋراتۋرا وكىلدەرىنىڭ ايتۋىنشا، قۇرىلىس سالاسىنداعى زاڭدىلىقتى قامتاماسىز ەتۋ جۇمىستارى جالعاسۋدا.