Mańǵystaýda bir top adam bılikten jumys surap ereýilge shyqty

1047
Adyrna.kz Telegram
Foto: Beıneden skrın
Foto: Beıneden skrın

Mańǵystaý oblysynda bir top adam ereýilge shyqty, dep habarlaıdy "Adyrna" ulttyq portaly.

Olar bılikten jumys talap etken.

Ereýilge shyqqandar jergilikti basshylar men úkimet músheleriniń arasynda sybaılas jemqorlyq áreketteri bar ekenin habarlady.

"Búgin 30 qańtar, tańǵy 6:30, bılik ókilderinen eshkim kelmedi, ne bolyp jatqanyn suramady. Biz – jumyssyzdar, shamamen 300-deı adam barmyz, áli kelemiz degender de bar. Biraz ýaqyttan beri osylaı sandalyp júrmiz. Bizge kelip, kómek kórsetetin bılik ókilderinen, basshylyqtan eshkim joq. Men ózim Qarajanbasta jumys isteımin, júrgizýshimin. Bizdiń júıe týraly qysqasha aıtyp bereıin – Qarajanbasta 13 jyl boıy kásiporyndy tonap kelgen adamdar áli basshylyqta otyr. Eger sen bireýdiń jerlesi bolmasań, tanystaryń joq bolsa, qyzmette ósýge, jumysqa ornalasýǵa esh múmkindik joq, osylaı shyǵyp, talap qoıýǵa týra keledi. Talap qoıǵan kezde kómek kórsetip, basshylyqtyń jibergen qatelikterin tekserip, halyq úshin osy máselelermen aınalyssa, onda basqa áńgime. Biraq, ókinishke qaraı, olaı bolmaı jatyr. Tek bir ǵana kúdik bar – basshylar men úkimet ókilderiiń sybaılas jemqorlyqqa qatysy bar, óz adamdaryn ornalastyrady, bári sodan bolyp jatyr", – deıdi jelide taraǵan vıdeodaǵy er adam.

Alańǵa top bolyp jınalǵandar daýystap "Talap etemiz!" dep aıǵaılaǵan.

"Biz munyń bárin toqtatyp, talap qoıýymyz kerek. Duńǵa kásiporny boıynsha oblys ákimi Nurdáýlet Qılybaı men "QazMunaıGaz" basqarma tóraǵasynyń orynbasary Esqazıev arasynda memorandýmǵa qol qoıylǵan, biraq áli kúnge deıin basqa óńirlerdiń kásiporyndarymen jumys istep, sol jaqtan adamdar alady. Mysaly, Duńǵanyń ózinde túgeldeı derlik atyraýlyq kásiporyndar jumys isteıdi. Sondyqtan biz ózimizdi jumysqa alýdy talap etemiz. Jaqsy, Atyraýdyń adamdary da jumys istesin, biraq aıtqanymyzdaı, bizge de nazar aýdarsyn", – deıdi er adam.

 

Реклама
  • ИП Попов А.П.
  • ИНН: 602715631406
Пьяные что ли? Пугачева с мужем шокировали своим развратом
Реклама
  • ИП Попов А.П.
  • ИНН: 602715631406
Пенсионерка: "Мне 98, а суставы как в 16 лет! На ночь мажу…
Реклама
  • ИП Попов А.П.
  • ИНН: 602715631406
Мы с мужем обрели вторую молодость! Вот как ему вернули потенцию…
Pikirler