قازاقستان ءومىر ساپاسى بويىنشا 88 ەلدىڭ ىشىندە 73-ورىندا تۇر

1140
Adyrna.kz Telegram
فوتو: egemen.kz
فوتو: egemen.kz

قازاقستان ءومىر ءسۇرۋ ساپاسى بويىنشا الەم ەلدەرى اراسىندا 88 ەلدىڭ ىشىندە 73-ورىنعا جايعاستى، دەپ حابارلايدى "ادىرنا" ۇلتتىق پورتالى Numbeo-عا سىلتەمە جاساپ.

ەگەر يندەكس تۇرعىسىنان قاراستىراتىن بولساق, وندا بۇل كورسەتكىش 106,8%-دى قۇرايدى.

قازاقستاننان جوعارى ورىنداردا ۋرۋگۆاي (139,8%), ءۇندىستان (124%), مالتا (132,7%), ءباا (177%) جانە قاتار (193,3%) تۇر.

رەيتينگ ءومىر ءسۇرۋ ساپاسىن باعالاۋ يندەكسىنە نەگىزدەلگەن. وندا ءومىر ءسۇرۋ قۇنى، ساتىپ الۋ قابىلەتى، تۇرعىن ءۇي باعاسى مەن تابىس اراقاتىناسى، قاۋىپسىزدىك، دەنساۋلىق ساقتاۋ جانە ەكولوگيا سياقتى كورسەتكىشتەر ەسەپكە الىنعان.

قازاقستان باسقا ەلدەرمەن سالىستىرعاندا ساتىپ الۋ قابىلەتى (52,3%) جانە تۇرعىن ءۇيدىڭ تابىسقا قاتىناسى (9,9%) بويىنشا ارتتا قالعان. بۇل كورسەتكىشتەر بويىنشا ەڭ جوعارى ورىنداردا قاتار (185,7%), اقش (152,1%), دانيا (137,3%), ءباا (133,9%) جانە شۆەتسيا (133,8%) تۇر.

تۇرعىن ءۇيدىڭ تابىسقا قاتىناسى بويىنشا ەڭ قولجەتىمدى ەلدەر – دانيا (6,5%), قاتار (5,2%) جانە اقش (3,3%).

قازاقستاندا ءومىر ءسۇرۋ قۇنى سالىستىرمالى تۇردە تومەن (26,6%). مىسالى، ماروككودا بۇل كورسەتكىش 27,2%، مالتادا – 48%، يتاليادا – 51%، فرانتسيادا – 58%، نيدەرلاندىدا – 60,5%، اقش-تا – 64,9%، دانيادا – 66,9%.

پىكىرلەر