Qazaqstan ömır sapasy boiynşa 88 eldıŋ ışınde 73-orynda tūr

Qazaqstan ömır süru sapasy boiynşa älem elderı arasynda 88 eldıŋ ışınde 73-orynǧa jaiǧasty, dep habarlaidy "Adyrna" ūlttyq portaly Numbeo-ǧa sılteme jasap. Eger indeks tūrǧysynan qarastyratyn bolsaq, onda būl körsetkış 106,8%-dy qūraidy. Qazaqstannan joǧary oryndarda Urugvai (139,8%), Ündıstan (124%), Malta (132,7%), BAÄ (177%) jäne Qatar (193,3%) tūr. Reiting ömır süru sapasyn baǧalau indeksıne negızdelgen. Onda ömır süru qūny, satyp alu qabıletı, tūrǧyn üi baǧasy men tabys araqatynasy, qauıpsızdık, densaulyq saqtau jäne ekologiia siiaqty körsetkışter esepke alynǧan. Qazaqstan basqa eldermen salystyrǧanda satyp alu qabıletı (52,3%) jäne tūrǧyn üidıŋ tabysqa qatynasy (9,9%) boiynşa artta qalǧan. Būl körsetkışter boiynşa eŋ joǧary oryndarda Qatar (185,7%), AQŞ (152,1%), Daniia (137,3%), BAÄ (133,9%) jäne Şvesiia (133,8%) tūr. Tūrǧyn üidıŋ tabysqa qatynasy boiynşa eŋ qoljetımdı elder – Daniia (6,5%), Qatar (5,2%) jäne AQŞ (3,3%). Qazaqstanda ömır süru qūny salystyrmaly türde tömen (26,6%). Mysaly, Marokkoda būl körsetkış 27,2%, Maltada – 48%, İtaliiada – 51%, Fransiiada – 58%, Niderlandyda – 60,5%, AQŞ-ta – 64,9%, Daniiada – 66,9%.