Qazaqstan ómir súrý sapasy boıynsha álem elderi arasynda 88 eldiń ishinde 73-orynǵa jaıǵasty, dep habarlaıdy "Adyrna" ulttyq portaly Numbeo-ǵa silteme jasap.
Eger ındeks turǵysynan qarastyratyn bolsaq, onda bul kórsetkish 106,8%-dy quraıdy.
Qazaqstannan joǵary oryndarda Ýrýgvaı (139,8%), Úndistan (124%), Malta (132,7%), BAÁ (177%) jáne Qatar (193,3%) tur.
Reıtıng ómir súrý sapasyn baǵalaý ındeksine negizdelgen. Onda ómir súrý quny, satyp alý qabileti, turǵyn úı baǵasy men tabys araqatynasy, qaýipsizdik, densaýlyq saqtaý jáne ekologııa sııaqty kórsetkishter esepke alynǵan.
Qazaqstan basqa eldermen salystyrǵanda satyp alý qabileti (52,3%) jáne turǵyn úıdiń tabysqa qatynasy (9,9%) boıynsha artta qalǵan. Bul kórsetkishter boıynsha eń joǵary oryndarda Qatar (185,7%), AQSh (152,1%), Danııa (137,3%), BAÁ (133,9%) jáne Shveııa (133,8%) tur.
Turǵyn úıdiń tabysqa qatynasy boıynsha eń qoljetimdi elder – Danııa (6,5%), Qatar (5,2%) jáne AQSh (3,3%).
Qazaqstanda ómir súrý quny salystyrmaly túrde tómen (26,6%). Mysaly, Marokkoda bul kórsetkish 27,2%, Maltada – 48%, Italııada – 51%, Franııada – 58%, Nıderlandyda – 60,5%, AQSh-ta – 64,9%, Danııada – 66,9%.