ەنەرگەتيكا ءمينيسترى الماسادام ساتقاليەۆ قازاقستانعا تولىققاندى يادرولىق كلاستەر قۇرۋ ءۇشىن كەمىندە ءۇش اتوم ەلەكتر ستانتسياسى (اەس) قاجەت ەكەنىن ايتتى، دەپ حابارلايدى "ادىرنا" ۇلتتىق پورتالى.
«يادرولىق كلاستەر قۇرۋ ءۇشىن كەمىندە ءۇش اەس سالۋ قاجەت. ءبىز وسى ۇستانىمدى نەگىزگە الا وتىرىپ، ستراتەگيالىق جوسپاردى دايىندايمىز. بىراق ونى ۇكىمەت ماقۇلداۋى كەرەك. ءبىز كەمىندە ءۇش اتوم ستانتسياسىن سالۋ قاجەتتىگىن ەسەپكە الامىز»، – دەدى مينيستر ەنەرگەتيكا مينيسترلىگىندەگى بريفينگتە.
ءمينيستردىڭ ايتۋىنشا، ءۇشىنشى اەس-ءتىڭ قۇرىلىس الاڭى جالپى ورنالاستىرۋ جوسپارىنا سايكەس انىقتالماق. ال ەكىنشى جانە ءۇشىنشى اەس-ءتىڭ ورنالاساتىن ورىندارى 2025 جىلدىڭ ءىى توقسانىندا بەلگىلى بولادى.
«الدىمەن بىرەۋىن جوسپارلاپ، سودان كەيىن ەكىنشىسىن قاراستىرۋعا بولمايدى. سەبەبى الدىمەن جەلىلەردىڭ كونفيگۋراتسياسىن، قۋات تاراتۋ سىزباسىن، مەملەكەتارالىق ەنەرگيا الماسۋ مۇمكىندىكتەرىن، جەلىلەردەگى كەرنەۋدى، قوسالقى ستانتسيالاردىڭ قۇرىلىسىن جانە ەنەرگيانى ۇزاق قاشىقتىققا جەتكىزۋ ءۇشىن تۇراقتى توك تەحنولوگيالارىن پايدالانۋ مۇمكىندىگىن انىقتاۋ قاجەت. وسى كەشەندى قۇجات جاقىن ارادا دايىندالادى. ءبىز ونى 2025 جىلدىڭ ءىى توقسانىندا ۇكىمەتكە ۇسىنامىز»، – دەپ ءتۇسىندىردى ساتقاليەۆ.