Qazaqstanda üş AES salynuy mümkın

Energetika ministrı Almasadam Satqaliev Qazaqstanǧa tolyqqandy iadrolyq klaster qūru üşın kemınde üş atom elektr stansiiasy (AES) qajet ekenın aitty, dep habarlaidy "Adyrna" ūlttyq portaly.  «Iаdrolyq klaster qūru üşın kemınde üş AES salu qajet. Bız osy ūstanymdy negızge ala otyryp, strategiialyq jospardy daiyndaimyz. Bıraq ony Ükımet maqūldauy kerek. Bız kemınde üş atom stansiiasyn salu qajettıgın esepke alamyz», – dedı ministr energetika ministrlıgındegı brifingte. Ministrdıŋ aituynşa, üşınşı AES-tıŋ qūrylys alaŋy jalpy ornalastyru josparyna säikes anyqtalmaq. Al ekınşı jäne üşınşı AES-tıŋ ornalasatyn oryndary 2025 jyldyŋ II toqsanynda belgılı bolady. «Aldymen bıreuın josparlap, sodan keiın ekınşısın qarastyruǧa bolmaidy. Sebebı aldymen jelılerdıŋ konfigurasiiasyn, quat taratu syzbasyn, memleketaralyq energiia almasu mümkındıkterın, jelılerdegı kerneudı, qosalqy stansiialardyŋ qūrylysyn jäne energiiany ūzaq qaşyqtyqqa jetkızu üşın tūraqty tok tehnologiialaryn paidalanu mümkındıgın anyqtau qajet. Osy keşendı qūjat jaqyn arada daiyndalady. Bız ony 2025 jyldyŋ II toqsanynda Ükımetke ūsynamyz», – dep tüsındırdı Satqaliev.