دۇيسەنبى كۇنگى ساۋدا بارىسىندا Brent ماركالى مۇناي فيۋچەرستەرى شامامەن 20%-عا قىمباتتاپ، باررەلىنە 111 دوللاردان استى. بۇل كورسەتكىش 2022 جىلدىڭ شىلدەسىنەن بەرگى ەڭ جوعارى دەڭگەي بولىپ وتىر، دەپ حابارلايدى “ادىرنا”.
ساراپشىلاردىڭ ايتۋىنشا، باعانىڭ كۇرت وسۋىنە اقش، يزرايل جانە يران اراسىنداعى شيەلەنىستىڭ كۇشەيۋى اسەر ەتكەن. سونداي-اق ورمۋز بۇعازى ارقىلى مۇناي تاسىمالىنىڭ بۇزىلۋى مۇمكىن دەگەن قاۋىپ تە نارىققا قىسىم جاساپ وتىر. اتالعان بۇعاز ارقىلى الەمدىك مۇناي جەتكىزىلىمىنىڭ شامامەن بەستەن ءبىر بولىگى وتەدى.
سونىمەن قاتار West Texas Intermediate (WTI) مۇنايىنىڭ باعاسى 106–111 دوللار ارالىعىنا دەيىن كوتەرىلدى.
وتكەن اپتادا Brent مۇنايى 27%-عا، ال WTI 35%-دان استامعا قىمباتتاعان. ساراپشىلار تاياۋ شىعىستاعى جاعداي ۋشىعا تۇسسە، الەم بويىنشا جانارماي باعاسى تاعى دا ءوسۋى مۇمكىن ەكەنىن ەسكەرتەدى.
ايتا كەتەيىك، مۇنايدىڭ ءىرى ەكسپورتتاۋشىسى ساۋد ارابياسى قىزىل تەڭىز ارقىلى جەتكىزىلىم كولەمىن ارتتىرۋعا تىرىسىپ جاتىر. الايدا بۇل كولەمدەر ورمۋز بۇعازى ارقىلى تاسىمالدىڭ ىقتيمال قىسقارۋىن تولىق وتەي المايدى.
