باس پروكۋروردىڭ ورىنباسارى عالىمجان قويگەلديەۆ پروديۋسەر، جۋرناليست دانا ورمانباەۆانى ىزدەۋدى ينتەرپول جۇرگىزىپ جاتقانىن ايتتى، دەپ حابارلايدى "ادىرنا" ۇلتتىق پورتالى.
"ورمانباەۆانىڭ ورنالاسقان جەرىن انىقتاۋ جۇمىسىمەن ينتەرپول اينالىسۋدا. ول قازىر قاي جەردە ەكەندىگىن ناقتى ايتا المايمىن. الەۋمەتتىك جەلىلەردە ونىڭ ءباا-دەن بارىنە تۇسىنىكتەمە بەرىپ جاتقانى تۋرالى جازىپ جاتىر. بىراق بىزدە ناقتى اقپارات جوق", – دەدى قويگەلديەۆ بۇگىن ءماجىلىس وتىرىسىندا.
ەسكە سالساق، قازاقستاندىق تانىمال بلوگەر، پروديۋسەر جانە جۋرناليست دانا ورمانباەۆاعا الەۋمەتتىك جەلىدە ۇلتارالىق ارازدىقتى قوزدىرۋعا باعىتتالعان مالىمدەمەلەر جاساعانى ءۇشىن قىلمىستىق ءىس قوزعالىپ، حالىقارالىق ىزدەۋ جاريالانعان ەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز