تۇركياداعى تاۋ شاڭعىسى كۋرورتىندا بولعان ورتكە 15 ادام كۇدىكتى دەپ تانىلدى، دەپ حابارلايدى "ادىرنا" ۇلتتىق پورتالى Sabah گازەتىنە سىلتەمە جاساپ.
كۇدىكتىلەردىڭ اراسىندا بولۋ قالاسىنىڭ مەرىنىڭ ورىنباسارى سەدات گيۋلەنەر مەن ءورت ءسوندىرۋ باسقارماسى ديرەكتورىنىڭ ورىنباسارى كەنان دجوشكۋن بار. ولار 25 قاڭتار كۇنى سوت الدىندا جاۋاپ بەردى.
"تۇرمەگە جابىلعان كۇدىكتىلەردىڭ سانى 15-كە جەتتى،" – دەپ جازدى باسىلىم.
ءورت بولعان Grand Kartal قوناقۇيىنىڭ قوجايىنى بولعان جايتقا قاتىستى سوتتا مالىمدەمە جاسادى. قوناق ءۇي يەسى حاليت ەرگۇل تراگەدياعا تولىقتاي قىزمەتكەرلەر مەن كەڭەسشىلەردى كىنالاپ، شەف-اسپازدى، اسحانا قىزمەتكەرلەرىن، ەلەكتريكتى جانە كۇزەتشىلەردى ەرەكشە اتاپ وتكەن.
سونداي-اق، ول سوتتا باس اسپاز اسۇيدەگى ءاسۇي قۇرىلعىلارىنا جاۋاپ بەرەتىنىن، ال ءورت دابىلدارى باتىرمالارىنا ەلەكترشى جاۋاپ بەرەتىنىن مالىمدەدى.
ەسكە سالا كەتسەك، 21 قاڭتارعا قاراعان ءتۇنى تۇركيانىڭ كارتالكايا تاۋ شاڭعىسى كۋرورتىندا ءىرى ءورت ورىن الىپ، 76 ادام قازا تاپتى. تراگەدياعا بايلانىستى تۇركيا پرەزيدەنتى رەجەپ تايىپ ەردوعان 22 قاڭتاردى جالپىۇلتتىق ازا تۇتۋ كۇنى دەپ جاريالاعان ەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز