2023 جىلدىڭ قازان ايىندا گازادا تۇتقىندالعان ءيزرايلدىڭ ءتورت اسكەري قىزمەتشىسى حاماس ۇيىمىنىڭ شەشىمىمەن بوساتىلدى. يزرايل بيلىگى بۇل ايەلدەردى 200 پالەستينالىق سوتتالۋشىعا ايىرباستايتىنىن راستادى، دەپ حابارلايدى "ادىرنا" ۇلتتىق پورتالى.
بۇل ارەكەت گازاداعى اتىستى توقتاتۋ تۋرالى كەلىسىمنىڭ اياسىندا جۇزەگە اسىرىلۋدا. سەنبى كۇنى تاڭەرتەڭ قىزىل كرەستكە 20 جاسار كارينا اريەۆ، دانيەلا گيلبوا، نااما لەۆي جانە 19 جاسار ليري الباگ ەسىمدى يزرايلدىك ايەلدەر تاپسىرىلدى. ولار 2023 جىلعى 7 قازان كۇنى گازاعا جاقىن ماڭدا تۇتقىندالعان ەدى.
يزرايل تۇرمە قىزمەتىنىڭ مالىمدەمەسىنە سايكەس، بوساتىلعان پالەستينالىقتاردىڭ كوپشىلىگى يوردان وزەنىنىڭ باتىس جاعالاۋىنا جەتكىزىلگەن. بوساتىلعانداردىڭ ىشىندە ەڭ جاس تۇتقىن 16 جاستاعى پالەستينالىق. ال ەڭ ۇلكەنى 69 جاستاعى موحاممەد ات-تۋسا. ات-تۋسا 39 جىلىن تۇرمەدە وتكىزگەن. ونى 1985 جىلى يزرايلدىك اسكەرمەن بولعان قاقتىعىس كەزىندە قاماۋعا العان بولاتىن.
بوساتىلعانداردىڭ كوبى يزرايلدە ءومىر بويى سوتتالعاندار.
