2023 jyldyń qazan aıynda Gazada tutqyndalǵan Izraıldiń tórt áskerı qyzmetshisi HAMAS uıymynyń sheshimimen bosatyldy. Izraıl bıligi bul áıelderdi 200 palestınalyq sottalýshyǵa aıyrbastaıtynyn rastady, dep habarlaıdy "Adyrna" ulttyq portaly.
Bul áreket Gazadaǵy atysty toqtatý týraly kelisimniń aıasynda júzege asyrylýda. Senbi kúni tańerteń Qyzyl Krestke 20 jasar Karına Arıev, Danıela Gılboa, Naama Levı jáne 19 jasar Lırı Albag esimdi ızraıldik áıelder tapsyryldy. Olar 2023 jylǵy 7 qazan kúni Gazaǵa jaqyn mańda tutqyndalǵan edi.
Izraıl túrme qyzmetiniń málimdemesine sáıkes, bosatylǵan palestınalyqtardyń kópshiligi Iordan ózeniniń Batys jaǵalaýyna jetkizilgen. Bosatylǵandardyń ishinde eń jas tutqyn 16 jastaǵy palestınalyq. Al eń úlkeni 69 jastaǵy Mohammed at-Týsa. At-Týsa 39 jylyn túrmede ótkizgen. Ony 1985 jyly ızraıldik áskermen bolǵan qaqtyǵys kezinde qamaýǵa alǵan bolatyn.
Bosatylǵandardyń kóbi Izraılde ómir boıy sottalǵandar.
