اقتاۋلىق سپورتشى يلدار ياگياەۆ وسىدان ەكى جىل بۇرىن ۇلىبريتانياعا جۇمىس ىستەۋگە كەتكەن بولاتىن. جاقىندا ول اتالمىش ەلدەن ساياسي باسپانا سۇرادى. بۇل تۋرالى Lada.kz جازدى، دەپ حابارلايدى “ادىرنا” ۇلتتىق پورتالى.
سپورتشىنىڭ ايتۋىنشا، ونىڭ ومىرىنە قاۋىپ ءتونىپ تۇر.
«مەنىڭ ومىرىمە قاۋىپ ءتونىپ تۇر، قازاقستاننان مەنى قورقىتىپ جاتقاندار بار.ءبارى شىلدە ايىنداعى ينتەرۆيۋدەن باستالدى، وندا بەلگىلى سپورتشىنىڭ انگليادا كاپۋستا تەرىپ جۇرگەنى تۋرالى ايتىلعان. سودان كەيىن ماعان ءارتۇرلى نومىرلەردەن قوڭىراۋ شالۋشىلار كوبەيدى، جۇمىسقا جانە ۇيىمە بەلگىسىز ادامدار ىزدەپ كەلە باستادى»، – دەيدى يلدار.
ول ەكى جىل ىشىندە انگليادا بىرنەشە جۇمىس اۋىستىرعانىن ايتتى. العاشىندا ەگىس القابىندا ەڭبەكتەنگەن.
«فۋتبول ماتچتارىندا ستيۋارد بولدىم، «ماكدونالدس»-تە جۇمىس ىستەدىم. زاڭسىز جۇرگەندىكتەن دۇرىس جۇمىس تابۋ قيىن. ساياسي باسپانا العان سوڭ جاعداي تۇزەلەر دەپ ۇمىتتەنەمىن. مەن قازاقستاندا جەدەل تاماقتانۋ جەلىسىندە ديرەكتور بولعانمىن»، – دەيدى يلدار ياگياەۆ.
ايتا كەتسەك، اقتاۋلىق سپورتشى تۋرنيككە تارتىلۋدان الەمنىڭ جەتى دۇركىن چەمپيونى جانە گيننەستىڭ رەكوردتار كىتابىنا ەسىمى جازىلعان.
