ۇلىبريتانيا سىرتقى ىستەر ءمينيسترى دەۆيد كەمەرون 23 ساۋىردە وزبەكستانعا رەسمي ساپارمەن بارادى، دەپ حابارلايدى "ادىرنا" ءتىلشىسى Gazeta.uz-عا سىلتەپ.
كەمەرون مەن وزبەكستان سىرتقى ىستەر مينيسترلىگىنىڭ باسشىسى باحتيور سايدوۆ اراسىندا كەلىسسوزدەر جۇرگىزىلەدى. باق-تا تاراپتاردىڭ ايماقتىق قاۋىپسىزدىك پەن كليماتتىڭ وزگەرۋىنە قاتىستى جاعدايدى قوسا العاندا، نەگىزگى ماسەلەلەر بويىنشا تىعىز ىنتىماقتاستىقتى تالقىلايتىنى ايتىلدى.
سونىمەن قاتار، ءسىم ءبىلىم، ساۋدا جانە ىسكەرلىك قارىم-قاتىناستاردى دامىتۋعا بريتاندىقتاردىڭ كوبىرەك قاتىسۋى تاقىرىبىن قوزعايدى.
ۇلىبريتانيا سىرتقى ىستەر ءمينيسترى ورتالىق ازياعا رەسمي ساپارى اياسىندا بارلىق بەس پوستكەڭەستىك رەسپۋبليكا مەن موڭعولياعا بارۋدى كوزدەپ وتىر. ونىڭ قازاقستانعا ساپارى 24-25 ساۋىرگە جوسپارلانۋدا.
ەۋروپالىق ەلدىڭ سىرتقى ىستەر مينيسترلىگىنىڭ وكىلدەرى ساياساتكەردىڭ ساپارىنىڭ باستى ماقساتى ەكونوميكا مەن ءبىلىم سالاسىنداعى ارىپتەستىكتى كەڭەيتۋ، سونداي-اق ايماق مەملەكەتتەرىنىڭ تاۋەلسىزدىگىن نىعايتۋ ماسەلەلەرى ەكەنىن اتاپ ءوتتى.
وزبەكستاندىق باق ۇلىبريتانيانىڭ سىرتقى ىستەر مينيسترلىگى تاشكەنتكە ەڭ سوڭعى رەت 1997 جىلى كەلگەنىن حابارلادى. ول كەزدە مينيستر لاۋازىمىندا مالكولم ريفكيند بولعان.
