Aqtaýlyq sportshy Ildar Iagıaev osydan eki jyl buryn Ulybrıtanııaǵa jumys isteýge ketken bolatyn. Jaqynda ol atalmysh elden saıası baspana surady. Bul týraly Lada.kz jazdy, dep habarlaıdy “Adyrna” ulttyq portaly.
Sportshynyń aıtýynsha, onyń ómirine qaýip tónip tur.
«Meniń ómirime qaýip tónip tur, Qazaqstannan meni qorqytyp jatqandar bar.Bári shilde aıyndaǵy ıntervıýden bastaldy, onda belgili sportshynyń Anglııada kapýsta terip júrgeni týraly aıtylǵan. Sodan keıin maǵan ártúrli nómirlerden qońyraý shalýshylar kóbeıdi, jumysqa jáne úıime belgisiz adamdar izdep kele bastady», – deıdi Ildar.
Ol eki jyl ishinde Anglııada birneshe jumys aýystyrǵanyn aıtty. Alǵashynda egis alqabynda eńbektengen.
«Fýtbol matchtarynda stıýard boldym, «Makdonalds»-te jumys istedim. Zańsyz júrgendikten durys jumys tabý qıyn. Saıası baspana alǵan soń jaǵdaı túzeler dep úmittenemin. Men Qazaqstanda jedel tamaqtaný jelisinde dırektor bolǵanmyn», – deıdi Ildar Iagıaev.
Aıta ketsek, Aqtaýlyq sportshy týrnıkke tartylýdan álemniń jeti dúrkin chempıony jáne Gınnestiń rekordtar kitabyna esimi jazylǵan.
