قاسكەلەڭ مەن الماتىنى جالعايتىن جول 4-تەن 8 جولاققا دەيىن كەڭەيتىلەدى، دەپ حابارلايدى "ادىرنا" ۇلتتىق پورتالى Almaty.tv-عا سىلتەمە جاساپ.
جولدىڭ كەڭەيتىلۋى ناتيجەسىندە اتالمىش ۋچاسكەدەن كۇن سايىن 90 مىڭعا جۋىق كولىكتىڭ ەمىن-ەركىن ءوتۋى ءۇشىن جاعداي جاسالماق. ال قازىر بۇل جولمەن تاۋلىگىنە 60 مىڭنان اسا تەمىر تۇلپار قاتىنايدى.
ۋاقىتتى ۇنەمدەۋگە، كولىك قاتىناسىن جاقسارتۋعا سەپتىگىن تيگىزەتىن جوبانىڭ قۇرىلىسى ەكى كەزەڭدە جۇرگىزىلەدى. ءبىرىنشى كەزەڭدە ۇلكەن الماتى اينالما اۆتوموبيل جولىنان قاسكەلەڭگە دەيىنگى ۋچاسكە، ەكىنشى كەزەڭدە قاسكەلەڭ وتكەلىنەن ايتەي اۋىلىنىڭ بۇرىلىسىنا دەيىنگى اۋماق قامتىلماق.
"قازىرگى تاڭدا الماتى-بىشكەك رەسپۋبليكالىق ماڭىزى بار اۆتوميبيل جولىنىڭ 19 جانە 27-شاقىرىم ارالىعىندا كۇردەلى جوندەۋ جۇمىستارى بويىنشا جوبالىق-سمەتالىق قۇجات جاساپ جاتىرمىز. اتالعان جوبادا 4 جولاقتان 8 جولاققا دەيىن جولدى كەڭەيتۋ كوزدەلىپ وتىر. سونىمەن قاتار 2 جولايرىعىن سول جوباعا قوساتىن بولامىز. سونىمەن قاتار 12-گە جۋىق جاياۋ جۇرگىنشىلەر وتكەلىن سالۋ جوسپارلانۋدا", - دەدى "قازاۆتوجول" ۇك" اق الماتى وبلىستىق فيليالىنىڭ ءبولىم باسشىسى جانات وتەپبەرگەنوۆ.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز