Franııa prezıdenti Emmanýel Makron eldiń qarýly kúshterin qoldaý úshin jas eriktilerdi jumyldyrýǵa arnalǵan bastamany jarııalady. Bul týraly ol 20 qańtarda qarýly kúshterdiń ókilderi aldynda sóılegen sózinde aıtty, dep habarlaıdy “Adyrna” ulttyq portaly.
Óz sózinde Makron Franııanyń qorǵanysqa degen strategııalyq kózqarasyn qaıta qaraý qajettigin atap ótti.
"Bizdiń taǵdyrymyz – tutynýshy bolý emes, Eýropada sýverenıtetke ıe elder bolý," - dep basa aıtty Makron.
Makron Ýkraınaǵa kómektesýdiń mańyzdylyǵyn atap ótip, onyń qazirgi qaqtyǵystan ǵana emes, bolashaq kelissózderge kúshti pozıııamen kirýin qamtamasyz etý keregin aıtty. Prezıdent áskerı qımyldar aıaqtalǵannan keıin Ýkraına men Eýropanyń ózine de qaýipsizdik kepildikterin qurý qajet bolatynyn da atap ótti.
Makron jas eriktilerdi tartý arqyly franýz qarýly kúshterin kúsheıtý qajettigin málimdedi. Ol úkimet pen qarýly kúshter shtabyna mamyr aıyna deıin naqty usynystar daıyndaýdy tapsyrdy.
