Франция президенті Эммануэль Макрон елдің қарулы күштерін қолдау үшін жас еріктілерді жұмылдыруға арналған бастаманы жариялады. Бұл туралы ол 20 қаңтарда қарулы күштердің өкілдері алдында сөйлеген сөзінде айтты, деп хабарлайды “Адырна” ұлттық порталы.
Өз сөзінде Макрон Францияның қорғанысқа деген стратегиялық көзқарасын қайта қарау қажеттігін атап өтті.
"Біздің тағдырымыз – тұтынушы болу емес, Еуропада суверенитетке ие елдер болу," - деп баса айтты Макрон.
Макрон Украинаға көмектесудің маңыздылығын атап өтіп, оның қазіргі қақтығыстан ғана емес, болашақ келіссөздерге күшті позициямен кіруін қамтамасыз ету керегін айтты. Президент әскери қимылдар аяқталғаннан кейін Украина мен Еуропаның өзіне де қауіпсіздік кепілдіктерін құру қажет болатынын да атап өтті.
Макрон жас еріктілерді тарту арқылы француз қарулы күштерін күшейту қажеттігін мәлімдеді. Ол үкімет пен қарулы күштер штабына мамыр айына дейін нақты ұсыныстар дайындауды тапсырды.
