قازاقستاننىڭ ەڭبەك سىڭىرگەن قايراتكەرى، اقىن، حالىقارالىق “الاش” ادەبي سىيلىعىنىڭ يەگەرى داۋلەتكەرەي كاپۇلى استانا قالالىق مادەنيەت باسقارماسىنىڭ "بىرلەسكەن مۇراجايلار ديرەكتسياسى" ديرەكتورىنىڭ ورىنباسارى جانە الجير مۇراجايىنىڭ ديرەكتورى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
اقىن، قازاقستاننىڭ ەڭبەك سىڭىرگەن قايراتكەرى، حالىقارالىق “الاش” ادەبي سىيلىعىنىڭ يەگەرى، قر جازۋشىلار وداعىنىڭ حاتشىسى داۋلەتكەرەي كاپۇلى استانا قالالىق مادەنيەت باسقارماسى "بىرلەسكەن مۇراجايلار ديرەكتسياسى" ديرەكتورىنىڭ ورىنباسارى، الجير مۇراجايىنىڭ ديرەكتورى رەتىندە تاعايىندالدى.
استانا قالاسى اكىمدىگى، ونداعى مادەنيەت باسقارماسى وتە دۇرىس تاڭداۋ جاساپ، وڭ شەشىم قابىلداعان ەكەن.
داۋلەتكەرەي كاپۇلى 1977 جىلى 9 تامىزدا دۇنيەگە كەلگەن. ول قازاق ادەبيەتىنە ەلەۋلى ۇلەس قوسقان اقىنداردىڭ ءبىرى. ونىڭ شىعارمالارى "جىر ءتاڭىرى", "ولەڭگە اركىمنىڭ-اق بار تالاسى", "بايبەسىك تۇمالارى", "تاۋەلسىزدىكتىڭ نۇرلى تاڭى", "ازاتتىق تاڭىنداعى ازات جىر" سىندى كوپتەگەن جىر جيناقتارىندا جارىق كورگەن. داۋلەتكەرەي كاپۇلىنىڭ ماراپاتتارى:
- حالىقارالىق “الاش” ادەبي سىيلىعىنىڭ يەگەرى.
- "دارىن" مەملەكەتتىك جاستار سىيلىعىنىڭ لاۋرەاتى.
- ەكى مارتە مەملەكەتتىك ستيپەنديا يەگەرى.
- استانا قالاسىنىڭ 10 جىلدىق مەرەكەلىك مەدالىمەن ماراپاتتالعان.
- موڭعوليا دەموكراتيالىق پارتياسىنىڭ "ازاتتىق" وردەنىنىڭ يەگەرى.
الجير مۇراجايىنىڭ ديرەكتورى رەتىندە داۋلەتكەرەي كاپۇلى تاريحي-مادەني مۇرانى ساقتاۋ جانە ناسيحاتتاۋ باعىتىندا ماڭىزدى ءرول اتقارادى. الجير مۇراجايى — ساياسي قۋعىن-سۇرگىن قۇرباندارىن ەسكە الۋعا ارنالعان قازاقستاننىڭ تاريحي نىساندارىنىڭ ءبىرى.
"ادىرنا" ۇلتتىق پورتالى داۋلەتكەرەي كاپۇلىن جاڭا قىزمەتىمەن قۇتتىقتايدى! اقىننىڭ جاڭا قىزمەتىنە ساتتىلىك، قاجىماس قايرات تىلەيمىز!
