بۇگىن ماجىلىستە جەمقورلىققا قارسى ءىس-قيمىل تۋرالى زاڭ جوباسىنا ەنگىزىلەتىن وزگەرىستەر مەن تولىقتىرۋلار قارالدى. جيىندا قوعامنىڭ سۇرانىسىنا ساي جاڭا باستامالار مەن جاۋاپكەرشىلىك شارالارى تالقىلاندى. وسىعان قاتىستى ءماجىلىس دەپۋتاتى ايدوس سارىم ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
«جەمقورلىقتى زاڭدار ەمەس، قوعام توقتاتادى. قوعامنىڭ مادەنيەتى، مەديانىڭ سۇراۋلارى مەن پىكىرتالاسى، سونداي-اق ازاماتتاردىڭ بەلسەندىلىگى عانا بۇل ماسەلەنى شەشۋدىڭ نەگىزگى تەتىگى بولىپ تابىلادى. مىسالى، كەيبىر وڭىرلەردە ءبىر-ەكى بەلسەندى ازامات مەملەكەتتىك ساتىپ الۋلاردى قاداعالاپ، اكىمدەرگە جول تالعامايتىن كولىك نە ءۇشىن قاجەت دەگەن سۇراقتاردى قويىپ جاتادى. بۇل جەمقورلىقپەن كۇرەسۋدىڭ ناقتى كورسەتكىشى»، – دەدى دەپۋتات ءماجىلىس وتىرىسىنىڭ كۋلۋارىندا.
ايدوس سارىمنىڭ پىكىرىنشە، بۇل جۇمىسقا بارلىق ءوڭىردىڭ ازاماتتارى بەلسەندى تۇردە اتسالىسۋى كەرەك.
«وكىنىشكە قاراي، كەيبىر وڭىرلەردە ازاماتتىق بەلسەندىلىكتىڭ جوق ەكەنىن بايقايمىز. ول جەرلەردە ءداستۇرلى تۇردە 5-6 عانا ۇكىمەتتىك ەمەس ۇيىم جۇمىس ىستەيدى. بارلىق ءوڭىردىڭ ازاماتتارى قوعامنىڭ دامۋى ءۇشىن بەلسەندىلىك تانىتۋى قاجەت»، – دەپ قوستى ول.
