12 اقازاندا ساعات 13: 31 -دە قالا تۇرعىنى اتىراۋ پوليتسياسىنا حابارلاسىپ، بەلگىسىز بىرەۋ ونىڭ Kia Sportage كولىگىنىڭ تەرەزەسىن سىندىرىپ، كولىكتەن 2 ميلليون تەڭگەنى ۇرلاپ كەتكەنىن ايتتى، دەپ حابارلايدى "ادىرنا" ۇلتتىق پورتالى.
پوليتسيا قىزمەتكەرلەرى بەينەباقىلاۋ كامەرالارىنداعى جازبالاردى زەرتتەي كەلە، ۆاز-2114 ماركالى اۆتوكولىكتىڭ زارداپ شەگۋشىنىڭ كولىگىنىڭ ارتىنان ۇزاق جۇرگەنىن بايقادى.
كۇدىكتى كولىك يندەر اۋدانى جارسۋات اۋىلىنان 132 شاقىرىم جەردە توقتاتىلدى. ماشينانى، جۇرگىزۋشىنى جانە ەكى جولاۋشىنى تەكسەرۋ كەزىندە ورالعان كۇيدە 2 ميلليون تەڭگە تاركىلەندى.
"40, 44 جانە 47 جاستاعى ەر ادامدار ورال، اقتوبە جانە شىمكەنت تۇرعىندارى ەكەنى انىقتالدى. اتالعان فاكتى بويىنشا قر قىلمىستىق كودەكسىنىڭ 88 -بابىنىڭ 3-بولىگى «ۇرلىق» بويىنشا قىلمىستىق ءىس تىركەلدى. كۇدىكتىلەر ۋاقىتشا ۇستاۋ يزولياتورىنا قامالدى. قازىرگى ۋاقىتتا بۇل ازاماتتاردىڭ باسقا قىلمىستارعا قاتىستىلىعى انىقتالۋدا", دەدى قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى.
