سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيعايداروۆتىڭ الماتى وبلىسى بويىنشا سىبايلاس جەمقورلىققا قارسى قىزمەت پروكۋراتۋرامەن بىرلەسىپ، اۋدان اكىمىنىڭ بىرقاتار اۋىر سىبايلاس جەمقورلىق قىلمىستارىن جاسادى دەپ كۇدىكتەنىپ وتىرعانىن مالىمدەدى.
"ول ءورت قاۋىپسىزدىگى تالاپتارىن بۇزا وتىرىپ، سانيتارلىق-ەپيدەميولوگيالىق باقىلاۋ ورگاندارىنىڭ رۇقساتىنسىز قاتتى تۇرمىستىق قالدىقتار پوليگونىن سەنىمگەرلىك باسقارۋ قۇقىعىن وزىمەن ۇلەستەس سەرىكتەستىككە بەرۋ ارقىلى وكىلەتتىگىن اسىرا پايدالاندى دەگەن كۇدىككە ءىلىندى", — دەدى سپيكەر.
اكىم پوليگوندى سەنىمگەرلىك باسقارۋ مەرزىمىن زاڭسىز ۇزارتۋ ارقىلى قىزمەتتىك وكىلەتتىكتەرىن اسىرا پايدالاندى دەگەن كۇدىككە ءىلىندى.
"ول قىلمىستىق سحەماعا اۋداندىق بولىمدەردىڭ، قارجى جانە تۇرعىن ءۇي-كوممۋنالدىق شارۋاشىلىقتىڭ باسشىلارىن تارتىپ، كاسىپورىننىڭ تۇرمىستىق قاتتى قالدىقتاردى شىعارۋ بويىنشا كەلىسىم-شارتتا كوزدەلگەن مىندەتتەمەلەرىن ورىنداماعانىن، كىرىستى ونىڭ اتىنا باعىتتاعانىن ايتا كەتۋ كەرەك. جەكە بايۋى وسىنداي زاڭسىز ارەكەتتەردىڭ سالدارىنان وبلىس ەكولوگياسىنا 204 ملن تەڭگەگە زالال كەلتىرىلدى", — دەپ تۇيىندەدى بيعايداروۆ.
سوتتىڭ سانكتسياسىمەن كۇدىكتى قاماۋعا الىندى. سوتقا دەيىنگى تەرگەۋ جالعاسۋدا.
بۇدان الدىن باعدات قاراساەۆتىڭ جۇرەگى اۋرۋىنا بايلانىستى ەمدەلىپ جاتقان جەرىنەن ۇستالعانى حابارلانعان ەدى.
