Búgin Májiliste jemqorlyqqa qarsy is-qımyl týraly zań jobasyna engiziletin ózgerister men tolyqtyrýlar qaraldy. Jıynda qoǵamnyń suranysyna saı jańa bastamalar men jaýapkershilik sharalary talqylandy. Osyǵan qatysty májilis depýtaty Aıdos Sarym óz pikirin bildirdi, dep habarlaıdy "Adyrna" ulttyq portaly.
«Jemqorlyqty zańdar emes, qoǵam toqtatady. Qoǵamnyń mádenıeti, medıanyń suraýlary men pikirtalasy, sondaı-aq azamattardyń belsendiligi ǵana bul máseleni sheshýdiń negizgi tetigi bolyp tabylady. Mysaly, keıbir óńirlerde bir-eki belsendi azamat memlekettik satyp alýlardy qadaǵalap, ákimderge jol talǵamaıtyn kólik ne úshin qajet degen suraqtardy qoıyp jatady. Bul jemqorlyqpen kúresýdiń naqty kórsetkishi», – dedi depýtat Májilis otyrysynyń kýlýarynda.
Aıdos Sarymnyń pikirinshe, bul jumysqa barlyq óńirdiń azamattary belsendi túrde atsalysýy kerek.
«Ókinishke qaraı, keıbir óńirlerde azamattyq belsendiliktiń joq ekenin baıqaımyz. Ol jerlerde dástúrli túrde 5-6 ǵana úkimettik emes uıym jumys isteıdi. Barlyq óńirdiń azamattary qoǵamnyń damýy úshin belsendilik tanytýy qajet», – dep qosty ol.
