سىبايلاس جەمقورلىققا قارسى قىزمەت ارنايى وپەراتسيا ناتيجەسىندە الاياقتار توبىن اشكەرەلەدى. بۇل تۋرالى ۆەدومستۆو مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ولار مەملەكەتتىك ورگاندار باسشىلارىنىڭ سەنىمدى ادامدارى بولىپ كورىنىپ، ازاماتتاردى اداستىرىپ، ءارتۇرلى ماسەلەلەردىڭ شەشىمى ءۇشىن پارا بەرۋگە يتەرمەلەۋ ارقىلى ولاردىڭ اقشالاي قاراجاتىن ۇرلاعان.
“توپ مۇشەلەرىنىڭ ءبىرى ب. ابدىكەرىموۆ سوتتىڭ سانكتسياسىمەن قاماۋعا الىندى. باسقا قاتىسۋشى م. تۇرانوۆتان «حالىقارالىق پوليتسيا ورتالىعى» («Interpol Center UN») گەنەرال-مايورىنىڭ كۋالىگى تاركىلەندى.
قازىر قىلمىستىق ءىس بويىنشا جەدەل تەرگەۋ ءىس-شارالارى جۇرگىزىلىپ جاتىر.اتالعان ادامداردىڭ باسقا قىلمىستار جاساۋعا قاتىسىنىڭ بار-جوعى تەكسەرىلەدى. تەرگەۋ مۇددەسى ءۇشىن بۇدان وزگە اقپارات جاريا ەتۋگە جاتپايدى.
سىبايلاس جەمقورلىققا قارسى قىزمەت الاياقتاردىڭ مەملەكەتتىك ورگانداردا ويدان شىعارىلعان بايلانىستارمەن جاسىرىنىپ، قىلمىستىق جازالاناتىن ءىس-ارەكەتتەر جاساۋىنىڭ جالعاسىپ جاتقان جاعدايلارىنا نازار اۋدارادى”، دەپ جاريالانعان.
