تۋريزم جانە سپورت ءمينيسترى ەربول مىرزابوسىنوۆ سپورتشىلاردىڭ دىنشىلدىگىنە بايلانىستى سۇراققا جاۋاپ بەردى، دەپ حابارلايدى “ادىرنا” ۇلتتىق پورتالى.
ۇكىمەتتە وتكەن ءباسپاسوز ءماسليحاتىندا جۋرناليستەر مينيسترگە «الەم چەمپيوناتى مەن وليمپيدا ويىندارىندا سپورتشىلار جەڭىسكە جەتسە نەمەسە جەڭىلىپ قالسا «اللانىڭ قالاۋىمەن جەڭدىم» نەمەسە «الانىڭ قالاۋىمەن جەڭىلدىم» دەپ ايتىپ جاتادى. سپورتشىلاردىڭ دىنشىلدىگىنە بايلانىستى الەۋمەتتىك جەلىدە تەرىس پىكىرلەر جازىلادى. ءسىزدىڭ سپورتشىلاردىڭ دىنشىلدىگىنە بايلانىستى كوزقاراسىڭ قالاي؟» دەگەن سۇراق قويىلدى.
«ءدىن ماسەلەسى بويىنشا ارنايى جول كارتاسى ازىرلەنگەن. سونىڭ اياسىندا جۇمىس اتقارىپ جاتىرمىز. بۇگىنگى تاڭدا ارنايى ۇيىمداردان ماماندار تارتىپ، سپورتشىلارمەن جۇيەلى جۇمىس ىستەپ جاتىرمىز. ءار فەدەراتسيا جۇيەلى جۇمىس اتقارىپ جاتىر جانە ءوز قۇراماسىنا جاۋاپتى»، – دەيدى مينيستر.
