«ماڭعىستاۋمۇنايگاز» كومپانياسىنا 31 ملرد تەڭگە ايىپپۇل سالىندى. بۇل تۋرالى بۇگىن باس پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
ماڭعىستاۋ وبلىسىنىڭ پروكۋراتۋراسى كومپانيا قىزمەتىندە اعىندى سۋدى جەر قويناۋىنا جىبەرۋ, سونداي-اق ءتيىستى شەكتەۋ ورناتپاي، بۇرعىلاۋ قالدىعىن جيناقتاۋمەن بايلانىستى ورەسكەل زاڭ بۇزۋشىلىقتار انىقتاعان.
«سوتتىڭ 04.12.2024 جىلعى قاۋلىسىمەن كومپانيا اكىمشىلىك قۇقىق بۇزۋشىلىق تۋرالى كودەكستىڭ 328-بابىمەن اكىمشىلىك جاۋاپكەرشىلىككە تارتىلىپ، 31 ملرد تەڭگە كولەمىندە ايىپپۇل سالىندى. سوت اكتىسى زاڭدى كۇشىنە ەندى»،—دەلىنگەن حابارلامادا.
سونداي-اق مۇناي جىلىتۋ پەشىنەن قورشاعان ورتاعا لاستاۋشى زاتتاردىڭ شامادان تىس شىعارىلۋ فاكتىسى دە انىقتالىپ، 1,2 ملرد تەڭگە ايىپپۇل سالىندى.
ەسكە سالايىق، وتكەن جىلدىڭ 2 جەلتوقسانىندا «ماڭعىستاۋمۇنايگاز» اق باس ديرەكتورى بولىپ ۆەن تسزياتسزيۋن تاعايىندالعان ەدى.
