الماتى حالىقارالىق اۋەجايىندا جانارماي قۇياتىن كولىك Lufthansa اۋە كومپانياسىنىڭ ۇشاعىن جاناپ ءوتتى, دەپ حابارلايدى «ادىرنا» ءتىلشىسى.
وقىس وقيعا 13 قازان كۇنى بولعان. شامامەن ساعات 01:25-تە الماتىدان استاناعا ۇشۋى ءتيىس Airbus A340 اۋە كەمەسىنە جانارماي قۇيىلعان. جانارماي قۇيۋشى كولىك تۇراقتان شىعۋ كەزىندە ۇشاقتىڭ قوزعالتقىشىن جاناپ وتكەن. اۋە كەمەسىنىڭ قوزعالتقىش كاپوتىندا ازداعان سىزاتتار بارى انىقتالعان.
«قاجەتتى تەحنيكالىق شارالار جۇرگىزىلگەننەن كەيىن اۋە كەمەسىنە ۇشۋعا رۇقسات بەرىلگەن. اۋەجايدىڭ ۇشۋ قاۋىپسىزدىگى دەپارتامەنتى بۇل وقيعا بويىنشا جان-جاقتى تەرگەۋ جۇمىستارىن جۇرگىزىپ جاتىر»، - دەلىنگەن اۋەجايدىڭ حابارلاماسىندا.
ۇقساس جاڭالىقتار
