كەشىگۋى ءبىر بولەك جىر. قوش، وعان دا ەتىمىز ۇيرەندى. امان-ەسەن جەتسەك ەكەن دەيتىن بولدىق…
ال باعالاردى بۇلار شىنىمەن دە اسپاننان الادى! بيلەت باعاسىنان بولەك، ورىن تاڭداۋىن قوسىمشا اقشا، قول جۇگىن 5 كەلىدەن 500 گرامم اسىپ كەتسە، تاعى دا اقشا. بيلەت الاردا اتى-جوندە 1 ارىپكە قاتە كەتسە، ونى تۇزەۋ ءۇشىن اقشا تولەۋ كەرەك. ونلاين ەمەس، بارىپ تىركەۋدەن وتسەڭىز اقشا! ىشىنە وتىرىپ، قارا سۋ ىشكىڭىز كەلسە ول دا اقشا. ءبىر بايقاعانىم، بۇلاردىڭ ءمازىر ديزاينى اۋىسقان سايىن، باعانى دا وسىرە بەرەدى ەكەن. ءار وتىرعاندا سۋرەتكە ءتۇسىرىپ الاتىنىم بار ەدى. سۋرەتتى جىلجىتىپ، باعانى سالىستىرايىق:
ناۋرىز ايىندا 800 تەڭگە تۇرعان سنيكەرس، m&m, تۆيكس قازىر نەگە 1500 تەڭگە بولىپ كەتتى؟ ءوسىم شامامەن 90%!
500 تەڭگە تۇرعان شاي باعاسى نەگە 40%-عا ءوسىپ كەتكەن؟!
“روللتون” كارتوپ ەزبەسى 700 ەدى، وتكەن اپتادا 1000 تەڭگە. ءوسىم 42%!
“نارىن” كەسپەسى ناۋرىز ايىندا 1500 تەڭگە، قاراشادا 2000 تەڭگە. ءوسىم 33%!
“Piko” شىرىنى وتكەن ايدا 600 تەڭگە ەدى. جەلتوقسان ايىندا 1000 تەڭگە. ءوسىم 65%
وسىنداي مىسالدار تولىپ جاتىر! انتيمونوپوليالىق كوميتەت قايدا قاراپ وتىر؟! بارسىڭدار ما، ءوزى؟ باعا قاشانعا دەيىن اسپانداي بەرمەك؟!
ءاۋ باستا حالىقتىق دەپ اشىلعان اۋە كومپانياسىنان جالىقتىق!
