Алматыда әйел адам туған әпкесін аяусыздықпен өлтіріп тастаған, деп хабарлайды “Адырна” ұлттық порталы Ұлысмедиаға сілтеп.
Қайғылы оқиға 2 қаңтар күні “Green Recycle” ЖШС қалдықтарды қайта өңдеу зауытының аумағында болғаны анықталды. Денесі бөлшектелген 68 жастағы әйелдің денесі табылды. Марқұмның денесі полиэтилен пакетінде жатқан.
Полицияның деректеріне сәйкес, 67 жастағы әйел әпкесін өлтірген. Оған екеуінің арасындағы ұзаққа созылған араздық себеп болған.
“Бұл қылмыс тез арада ашылды. Адам өлтіру дерегі бойынша қылмыстық іс қозғалды. Басқа да мән-жайлар анықталып жатыр”, - делінген ПД хабарламасында.
Әлеуметтік желідегі деректер бойынша, күдікті адам әпкесінің денесін балталап тастаған.
