جەلىدە ەرەكشە قاجەتتىلىگى بار جىگىتتى پوليتسيانىڭ ۇستاپ، قاماۋعا العانى تۋرالى ۆيدەو تاراپ كەتتى، دەپ حابارلايدى “ادىرنا” ۇلتتىق پورتالى.
وقىرماندار بەينەنىڭ پىكىر بولىمىنە باس پروكۋراتۋرانى بەلگىلەپ، تۇسىنىكتەمە سۇراعان. استانا پوليتسيا دەپارتامەنتى وقيعانىڭ ءمان-جايىن ءتۇسىندىرىپ بەردى.
جەلىدەگى بەينەدە ايەل ادام اشۋعا بۋلىعىپ، دەنساۋىعى ءالسىز بالاسىن اكەتىپ جاتقان پوليتسەيلەرگە داۋىس كوتەرگەن.
”نەگە الىپ بارا جاتىرسىزدار؟ مۇنداي ادامنان قانداي قاۋىپ بار؟ مۇگەدەكتەر ارباسىنداعى بالا نە قاۋىپ ءتوندىرۋى مۇمكىن؟ ءبىز قارسىلاسپادىق قوي. بۇگىن 8 تامىز”، – دەيدى ايەل.
كەيىننەن استانا پد مۇگەدەك ارباداعى جىگىتتىڭ ۇستالماعانىن حابارلادى.
"قىلمىستىق ءىستىڭ ناتيجەسىندە ماڭعىستاۋ وبلىسىنىڭ تۇرعىنى "ەسىل" اۋداندىق پوليتسيا بولىمشەسىنە جەتكىزىلدى، سول ۋاقىتتا ايەل وزىمەن بىرگە قاسىندا جۇرگەن ەكى بالاسىن بىرگە الىپ ءجۇرۋدى سۇرادى. بالالارىنىڭ ءبىرىنىڭ ەرەكشە قاجەتتىلىگى بار", – دەلىنگەن پد تۇسىندىرمەسىندە.
تۇسىندىرمە جۇمىستارىنان سوڭ ايەل ۇيىنە جىبەرىلگەن.
ۇقساس جاڭالىقتار
