شىمكەنتتە قاڭتار وقيعاسى كەزىندە باسىنا جانە ىشىنە وق ءتيىپ، كوز جۇمعان 17 جاستاعى ابىلاي ەرگەشتىڭ دەنەسى ءبىر جارىم ايدان كەيىن عانا تابىلعان، دەپ حابارلايدى "ادىرنا" ۇلتتىق پورتالى ازاتتىق راديوسىنا سىلتەپ.
ازاتتىقتىڭ مالىمەتىنشە، ابىلاي ەرگەش شىمكەنتتەگى وزبەكالى جانىبەكوۆ اتىنداعى مەكتەپتە وقىپ، كەيىن كوللەدجگە تۇسكەن. ونىڭ اناسى جانار دۇيسەباەۆا ابىلايدىڭ جالعىز ۇل بولعانىن ايتادى. 6 قاڭتار كۇنى جاپپاي نارازىلىق كەزىندە ول ۇيىنەن شىققان. جانار بالاسىن اۋرۋحانالار مەن پوليتسيا بولىمشەلەرىنەن ىزدەپ تاپپاي، تەك 19 قاڭتاردا عانا ونىڭ ءولى دەنەسىن ءمايىتحانادان تاپقانىن حابارلادى.
ابىلاي ەرگەشتىڭ دەنەسى 20 قاڭتار كۇنى جەرلەنگەن. كەيىنىرەك ونىڭ ۇستىنەن "جاپپاي تارتىپسىزدىك" بابىمەن ءىس قوزعالعانى بەلگىلى بولدى. تەرگەۋ مالىمەتتەرى بويىنشا، ابىلاي 6 قاڭتار كۇنى جاراقات الىپ، اۋرۋحاناعا جەتكىزىلگەن، بىراق دارىگەرلەر ونىڭ ءومىرىن ساقتاپ قالا الماعان.
"22 قاڭتار بالامنىڭ تۋعان كۇنى. 18 جاسقا تولعاننان كەيىن شەتەلگە جۇمىس ىستەۋگە كەتەمىن دەپ دايىندالىپ ءجۇردى. قۇجاتتارىن دا العان. قالادا ميتينگ باستالعاندا “ەشقايدا بارما” دەدىم. “مام بارمايمىن” دەگەن. سوڭعى سويلەسكەنىمىز — وسى”، - دەپ ەسكە الدى مارقۇم جاس جىگىتتىڭ اناسى.
