شىمكەنتتە ماس ەر ادام اۆتوبۋس جۇرگىزۋشىسىنە شابۋىل جاساپ، ءبىر ادام قايتىس بولدى، دەپ حابارلايدى “ادىرنا” ۇلتتىق پورتالى otyrar.kz-كە سىلتەپ.
اۆتوبۋس جۇرگىزۋشىسى سوققىعا جىعىلعان. قازىر ونىڭ جاعدايى تۇراقتى. اۆتوبۋس جۇرگىزۋشىسى ستاتسيونارلىق ەم قابىلداپ جاتىر.
148 اۆتوبۋس جۇرگىزۋشىنىڭ سوزىنشە كۇدىكتى بۇعان دەيىن دە ماس كۇيدە قوعامدىق كولىككە ءمىنىپ، تىزگىنشىلەرگە ءتيىسىپ ءجۇرىپتى. ال كەشە ول جۇرگىزۋشىگە قاتتى سويلەدىڭ دەپ جۇدىرىعىن الا جۇگىرگەن.
ء"بىر كۇن بۇرىن ول مەنىڭ مارشرۋتىما مىنگەن ەدى. كەرەمەتتەن ءتۇسىپ قالدى. قولىندا اراعى بار ەدى. ەرتەسىنە مەشىت جاقتان قايتا ءمىندى. ءمىندى دە جانىما وتىردى. سايرامعا كەلگەنگە دەيىن تىنىش وتىردى نەگىزى . كەيىن باستادى عوي. ارامىزدا قاتتى ايقاي، شۋ دا بولعان جوق. "نەگە قاتتى سويلەيسىڭ؟" دەيدى. مەن تۇسكەن ادامعا قاتتى سويلەگەن جوقپىن، تەز ءتۇسىپ قالدىڭىز دەگەنمىن. كەلىپ بوقتادى. "نەگە بوقتايسىڭ؟" دەگەن كەزدە كەلدى دا ۇردى. مۇرنىم قانادى. كوزىم قاراۋىتىپ كەتتى. اۆتوبۋستى توقتاتىپ تۇرامىن دەگەنشە بىرنەشە سوققى بەرىپ تاستادى", - دەيدى اۆتوبۋس جۇرگىزۋشىسى.
"15 تامىز كۇنى جەدەل جاردەممەن كەلىپ ءتۇسدى. قابىلداۋ بولىمىندە نەيرەحيرۋرگتەر كومەك كورسەتتى. تەكسەرۋ بارىسىندا باس ميىنىڭ جاراقاتى انىقتالعان. قازىر ناۋقاستىڭ جاعدايى تۇراقتى. ەم شاراسىن الىپ بىتكەن سوڭ امبۋلاتوريالىق ەمگە جىبەرىلەدى", - دەيدى نەيروحيرۋرگ بابۋر يۋسۋپوۆ.
ال وقيعا ورنىندا قاتتى سوققىدان ءبىر ايەل قازا تاپتى.
