اقتاۋ قالاسىنىڭ ماڭىندا بولعان ۇشاق اپاتىن سۋرەتكە تۇسىرگەن جەرگىلىكتى بلوگەر ازامات سارسەنباەۆ 5 قاڭتاردا بوستاندىققا شىقتى، دەپ حابارلايدى «ادىرنا» ءتىلشىسى.
ەر ادامدى سوت اكىمشىلىك ىسپەن ون كۇنگە قامادى.
«ەر ادامنىڭ باسىنان نە وتپەيدى؟ ۇيدەن 150 شاقىرىم الىستا 10 كۇن وقشاۋ جاتىپ، باسىمنان وسى وي كەتپەدى. شىنىمدى ايتسام، مۇنداي نارسە باسىمنان وتكەنىنە دە ريزامىن. جالپى، دوستار، كوپ نارسە جازعىم كەلەدى. شىڭدالدىم، مىقتىراق بولىپ، ءوز ۇستانىمىمدى ودان سايىن بەكەمدەدىم. ايتارىم كوپ»،—دەپ جازدى بلوگەر الەۋمەتتىك جەلىدەگى پاراقشاسىندا.
25 جەلتوقساندا اقتاۋدا ۇشاق اپاتقا ۇشىراعان جەردى تۇسىرگەن بلوگەر ۇستالعانى بەلگىلى بولعان ەدى. بلوگەر بۇل تۋرالى Instagram جەلىسىندە جازعان بولاتىن. ماڭعىستاۋ وبلىسىنىڭ پوليتسيا دەپارتامەنتى «سارسەنباەۆ قوعامدىق ءتارتىپتى بۇزعانى ءۇشىن ۇستالدى» دەگەن مالىمدەمە جاسادى.
ايتا كەتەيىك، 5 قاڭتاردا
ۇشاق اپاتىنىڭ سالدارىن جويۋعا قاتىسقاندار مەملەكەتتىك ناگرادالارمەن ماراپاتتالعان بولاتىن.
