قازاقستاندا ەنەرگەتيكالىق سۋسىنداردى ساتۋدىڭ جاڭا ەرەجەلەرى ەنگىزىلدى، دەپ حابارلايدى “ادىرنا” ۇلتتىق پورتالى.
2025 جىلدىڭ 1 قاڭتارىنان باستاپ قازاقستاندا ەنەرگەتيكانى 21 جاسقا تولماعان ادامدارعا ساتۋعا تىيىم سالىنادى. سۋسىنداردى ساتۋشى جوق بولسا، اۆتوماتتار مەن باسقا قۇرىلعىلار ارقىلى ساتۋعا دا بولمايدى.
ەگەر ساتۋشى ساتىپ الۋشىنىڭ 21 جاسقا تولعانىنا كۇمان تۋىنداسا، جەكە باسىن كۋالاندىراتىن قۇجاتتى تالاپ ەتۋىنە مۇمكىندىگى بار. ەگەر ساتىپ الۋشى قۇجاتتى كورسەتۋدەن باس تارتسا، وعان ساتپاۋى كەرەك.
سونداي-اق ساتۋ ورىندارىندا جازۋى بار تاقتايشالاردى ورنالاستىرىلۋى كەرەك.
جيىرما ءبىر جاسقا دەيىنگى ادامدارعا ەنەرگەتيكالىق سۋسىنداردى ساتۋعا تىيىم سالىنادى. وسى ەرەجەلەردى بۇزعانى كاسىپكەرلەرگە ايىپپۇل سالىنادى.
ۇقساس جاڭالىقتار
