"تۇرىكمەن اۋە جولدارى" اۋە كومپانياسى ماسكەۋگە رەيستەرىن توقتاتتى، دەپ حابارلايدى "ادىرنا" ۇلتتىق پورتالى.
اۋە رەيستەرى ءبىر ايعا توقتاتىلدى.
"تۇرىكمەنستان اۋە كومپانياسى اشحاباد - ماسكەۋ - اشحاباد باعىتى بويىنشا تۇراقتى رەيستەر 2024 جىلعى 30 جەلتوقساننان 2025 جىلعى 31 قاڭتارعا دەيىن توقتاتىلعانىن حابارلايدى", - دەلىنگەن كومپانيا تاراتقان مالىمدەمەدە.توقتاتىلعان رەيستەرگە الىنعان بيلەتتەردىڭ اقشاسى جولاۋشىلارعا تولىق كولەمدە قايتارىلادى. وسىعان دەيىن Qazaq Air اۋە كومپانياسى 2024 جىلدىڭ 28 جەلتوقسانىنان 2025 جىلدىڭ 27 قاڭتارىنا دەيىن استانا - ەكاتەرينبۋرگ باعىتى بويىنشا اۋە رەيستەرىن ۋاقىتشا توقتاتاتىنىن مالىمدەگەن.
"رەيستەردى توقتاتۋ رەسەيگە ۇشۋدىڭ تۇراقتى قاۋىپ-قاتەر باعاسىن ەسكەرە وتىرىپ، جولاۋشىلار مەن ەكيپاج مۇشەلەرىنىڭ قاۋىپسىزدىگىن قامتاماسىز ەتۋ ماقساتىندا جۇزەگە اسىرىلدى. اۋە كومپانيا ومسك جانە نوۆوسيبيرسك قالالارىنا ۇشۋلارىن جالعاستىرادى، سەبەبى ولار قازىرگى ۋاقىتتا QAZAQ AIR قاۋىپ-قاتەر باعالاۋىنىڭ كريتەريلەرىنە سايكەس كەلەدى. ەكاتەرينبۋرگكە ۇشۋلاردى قايتا باستاۋ قاۋىپ-قاتەر باعالاۋىنىڭ ناتيجەلەرى بويىنشا جۇزەگە اسىرىلادى", - دەپ حابارلاعان ەدى كومپانيا.
ۇقساس جاڭالىقتار
