"Túrikmen áýe joldary" áýe kompanııasy Máskeýge reısterin toqtatty, dep habarlaıdy "Adyrna" ulttyq portaly.
Áýe reısteri bir aıǵa toqtatyldy.
"Túrikmenstan áýe kompanııasy Ashhabad - Máskeý - Ashhabad baǵyty boıynsha turaqty reıster 2024 jylǵy 30 jeltoqsannan 2025 jylǵy 31 qańtarǵa deıin toqtatylǵanyn habarlaıdy", - delingen kompanııa taratqan málimdemede.
Toqtatylǵan reısterge alynǵan bıletterdiń aqshasy jolaýshylarǵa tolyq kólemde qaıtarylady.
Osyǵan deıin Qazaq Air áýe kompanııasy 2024 jyldyń 28 jeltoqsanynan 2025 jyldyń 27 qańtaryna deıin Astana - Ekaterınbýrg baǵyty boıynsha áýe reısterin ýaqytsha toqtatatynyn málimdegen.
"Reısterdi toqtatý Reseıge ushýdyń turaqty qaýip-qater baǵasyn eskere otyryp, jolaýshylar men ekıpaj músheleriniń qaýipsizdigin qamtamasyz etý maqsatynda júzege asyryldy. Áýe kompanııa Omsk jáne Novosıbırsk qalalaryna ushýlaryn jalǵastyrady, sebebi olar qazirgi ýaqytta QAZAQ AIR qaýip-qater baǵalaýynyń krıterıılerine sáıkes keledi. Ekaterınbýrgke ushýlardy qaıta bastaý qaýip-qater baǵalaýynyń nátıjeleri boıynsha júzege asyrylady", - dep habarlaǵan edi kompanııa.
