قازاقستاندىق FlyArystan اۋە كومپانياسى الماتى مەن قىتايدىڭ سينتسزيان-ۇيعىر اۆتونوميالىق اۋدانىنداعى ينين قالاسىن بايلانىستىراتىن جاڭا حالىقارالىق باعىتتى ىسكە قوساتىنىن حابارلادى، دەپ حابارلايدى "ادىرنا" ۇلتتىق پورتالى سينحۋاعا سىلتەپ.
ماۋسىمدىق رەيستەر 2024 جىلعى 18 مامىردان باستالىپ، اپتاسىنا ەكى رەت — بەيسەنبى جانە جەكسەنبى كۇندەرى ورىندالادى. ۇشۋ ۋاقىتى شامامەن ءبىر ساعاتتى قۇرايدى.
بۇل باستاما — ەكى ەل اراسىنداعى تۋريزم مەن ەكونوميكالىق ىنتىماقتاستىقتى نىعايتۋعا باعىتتالعان ماڭىزدى قادام. ەسكە سالساق، 2023 جىلدىڭ 10 قاراشاسىنان باستاپ قازاقستان مەن قىتاي اراسىندا ۆيزاسىز رەجيم ەنگىزىلگەن بولاتىن. سونىمەن قاتار، 2023 جىل — قىتايدا قازاقستان ءتۋريزمىنىڭ جىلى بولىپ وتسە، 2024 جىل — قازاقستاندا قىتاي ءتۋريزمىنىڭ جىلى بولىپ جاريالاندى.
بۇعان دەيىن، 2024 جىلدىڭ 15 ساۋىرىندە، قىتايدىڭ China Southern Airlines كومپانياسى ينين – الماتى باعىتىندا حالىقارالىق چارتەرلىك رەيستى ىسكە قوسقان ەدى.
