تۇرىكمەن حالقىنىڭ ۇلتتىق كوشباسشىسى، تۇرىكمەنستان حالىق ماسلاحاتىنىڭ توراعاسى گۋربانگۋلى بەردىمۇحامەدوۆ اناۋ قالاسىنداعى جاڭا مەشىتتىڭ اشىلۋىنا قاتىسىپ، اۋىزاشار بەردى، دەپ حابارلايدى «ادىرنا» ءتىلشىسى «تۋركمەنيستان: زولوتوي ۆەك» باسىلىمىنا سىلتەمە جاساپ.
كەشەننىڭ قۇرىلىمىندا ساداقا مەن راسىمدەرگە ارنالعان ارنايى عيمارات بار. نىسانعا ىرگەلەس اۋماق تولىعىمەن اباتتاندىرىلعان.
مەشىتتە ەكس-پرەزيدەنتتى ەل ءمۇفتيى، حالىق ءماسليحاتى اقساقالدار كەڭەسىنىڭ جانە «قامقورلىققا مۇقتاج بالالارعا كومەك كورسەتۋ» قايىرىمدىلىق قورى اقساقالدار كەڭەسىنىڭ مۇشەلەرى قارسى الدى.
گۋربانگۋلى بەردىمۇحامەدوۆ كوپشىلىكتى ورازا ايىندا جاڭا مەشىتتىڭ اشىلۋىمەن قۇتتىقتاپ، ونىڭ 2024 جىلى اناۋ قالاسىن تۇركى الەمىنىڭ مادەني استاناسى دەپ جاريالاۋعا بايلانىستى مادەني-بۇقارالىق ءىس-شارالارمەن تۇسپا-تۇس كەلگەنىن اتاپ ءوتتى.
