تالدىقورعان قالاسىنداعى نازارباەۆ زياتكەرلىك مەكتەبىندە ينكليۋزيۆتى جاڭا جىلدىق شىرشا ءوتتى. مەرەكەگە «اينالايىن» بالالار ءۇيىنىڭ، ناشار ەستيتىن بالالارعا ارنالعان مەكتەپ-ينتەرناتىنىڭ تاربيەلەنۋشىلەرى، «جەتىسۋ وبلىسى مۇگەدەكتەرىنىڭ وبلىستىق قوعامى» قوعامدىق بىرلەستىگى، شىمىر اۋىلىنىڭ م.مامەتوۆا اتىنداعى مەكتەپ وقۋشىلارى قاتىستى. بۇل كەرەمەت ءىس-شارا NIS اتا-انالار قولداۋىمەن مەكتەپتەگى ءوزىن-ءوزى باسقارۋ ۇيىمىمەن ۇيىمداستىرىلدى.
100 بالا ءۇشىن ءىس-شارا سيقىر مەن قۋانىش اتموسفەراسىنا تولى بولدى. ولاردى قولداۋعا اتا-انالار، تالىمگەرلەر، كۋراتورلار كەلدى. شىرشادا ەرتەگى كەيىپكەرلەرى، مۋزىكانتتار، سونداي-اق اياز اتا مەن اقشاقار ونەر كورسەتتى.
تالدىقورعاندىق NIS – تە 13 جىل بويى قوعامعا قىزمەت ەتۋ بويىنشا بىرقاتار الەۋمەتتىك جوبالار بەلسەندى تۇردە ىسكە اسىرىلۋدا. جوبالار بارىسىندا زياتكەرلىك مەكتەپ وقۋشىلارى بالالارعا اعىلشىن جانە قازاق تىلدەرىن ۇيرەتەدى.
جىل سايىن اتا-انامىزدىڭ قولداۋىمەن ءبىز تاربيەلەنۋشىلەرىمىزگە الەۋمەتتىك جوبالار بويىنشا «جاقسىلىق شىرشاسىن وتكىزەمىز». بۇل جولى ءبىز 137 جاڭا جىلدىق سىيلىق جينادىق. سونىمەن قاتار، وقۋشىلار انالار ءۇيىن، بالالار ءۇيىن جانە «بايتەرەك» وڭالتۋ ورتالىعىن قۇتتىقتادى، — دەپ ديرەكتوردىڭ تاربيە ءىسى جونىندەگى ورىنباسارى شىنار بازيلبەكوۆا ءوز پىكىرىن ءبىلدىردى.
مەرەكەلىك ءىس-شارانىڭ جۇلدىزدارى - ەستۋ قابىلەتى بۇزىلعان بالالارعا ارنالعان مەكتەپ-ينتەرناتتىڭ قىزدارى ءوز ونەرلەرىن كورسەتتى. ولار جارقىن بي نومىرىمەن قوناقتاردى تاڭ قالدىردى.
بىز بۇگىن وتە قۋانىشتىمىز، - دەپ ءبولىستى قاتىسۋشىلاردىڭ ءبىرى. - بۇل وتە قىزىقتى ءىس-شارا بولدى جانە ءبىز كوپتەگەن دوستار تابا الدىق!
