Taldyqorǵan qalasyndaǵy Nazarbaev Zııatkerlik mektebinde ınklıýzıvti jańa jyldyq shyrsha ótti. Merekege «Aınalaıyn» balalar úıiniń, nashar estıtin balalarǵa arnalǵan mektep-ınternatynyń tárbıelenýshileri, «Jetisý oblysy múgedekteriniń oblystyq qoǵamy» qoǵamdyq birlestigi, Shymyr aýylynyń M.Mámetova atyndaǵy mektep oqýshylary qatysty. Bul keremet is-shara NIS ata-analar qoldaýymen mekteptegi ózin-ózi basqarý uıymymen uıymdastyryldy.
100 bala úshin is-shara sıqyr men qýanysh atmosferasyna toly boldy. Olardy qoldaýǵa ata-analar, tálimgerler, kýratorlar keldi. Shyrshada ertegi keıipkerleri, mýzykanttar, sondaı-aq Aıaz Ata men Aqshaqar óner kórsetti.
Taldyqorǵandyq NIS – te 13 jyl boıy qoǵamǵa qyzmet etý boıynsha birqatar áleýmettik jobalar belsendi túrde iske asyrylýda. Jobalar barysynda Zııatkerlik mektep oqýshylary balalarǵa aǵylshyn jáne qazaq tilderin úıretedi.
Jyl saıyn ata-anamyzdyń qoldaýymen biz tárbıelenýshilerimizge áleýmettik jobalar boıynsha «Jaqsylyq shyrshasyn ótkizemiz». Bul joly biz 137 jańa jyldyq syılyq jınadyq. Sonymen qatar, oqýshylar Analar úıin, balalar úıin jáne «Báıterek» ońaltý ortalyǵyn quttyqtady, — dep dırektordyń tárbıe isi jónindegi orynbasary Shynar Bazılbekova óz pikirin bildirdi.
Merekelik is-sharanyń juldyzdary - estý qabileti buzylǵan balalarǵa arnalǵan mektep-ınternattyń qyzdary óz ónerlerin kórsetti. Olar jarqyn bı nómirimen qonaqtardy tań qaldyrdy.
Biz búgin óte qýanyshtymyz, - dep bólisti qatysýshylardyń biri. - Bul óte qyzyqty is-shara boldy jáne biz kóptegen dostar taba aldyq!
