بۇگىن، 23 جەلتوقساندا بەلارۋس ورتالىق سايلاۋ كوميسسياسى 2025 جىلى قاڭتاردا وتەتىن پرەزيدەنت سايلاۋىنا ۇمىتكەرلەر ءتىزىمىن جاريالادى، دەپ حابارلايدى «ادىرنا» ءتىلشىسى.
باستاماشىل توپتار وسك-عا قۇجاتتارىن رەتىمەن تاپسىردى. ولاردىڭ قاتارىندا 5كانديدات، اتاپ ايتساق، سەرگەي سىرانكوۆ، الەكساندر حيجنياك، ولەگ گايدۋكەۆيچ، اننا كانوپاتسكا مەن الەكستاندر لۋكاشەنكو بار.
سايلاۋ قارساڭىنداعى ۇگىت-ناسيحات 2025 جىلى 1 قاڭتاردا باستالىپ، 25 قاڭتاردا اياقتالادى. ال پرەزيدەنت سايلاۋى 26 قاڭتاردا وتپەك. ەل زاڭىنا سايكەس، باسشىنى داۋىس بەرۋ قۇقىعىنا يە ازاماتتار بەس جىلعا سايلايدى.
ايتا كەتەيىك، الەكساندر لۋكاشەنكو بەلارۋستى 1994 جىلدان بەرى باسقارادى. ول ءوزىن جەتىنشى رەت پرەزيدەنت سايلاۋىنا ۇمىتكەر رەتىندە تىركەپ وتىر. لۋكاشەنكونىڭ حالىقارالىق اقپارات قۇرالدارىنىڭ بىرىنە بەرگەن سۇحباتىندا "مەن - ەۋروپانىڭ سوڭعى جالعىز ديكتاتورىمىن" دەگەن ءسوزى كەڭ تاراپ كەتكەن.
