مولدوۆالىق كاسىپكەرلەر اناتول مەن گابريەل ستاتي ءىسى بويىنشا شۆەتسيادا بۇعاتتالعان اكتيۆتەر قازاقستاننىڭ باقىلاۋىنا قايتارىلدى، دەپ حابارلايدى "ادىرنا" ۇلتتىق پورتالى ۇلتتىق بانككە سىلتەمە جاساپ.
«قازاقستان رەسپۋبليكاسىنىڭ ۇكىمەتى، قازاقستان ۇلتتىق بانكى مەن ستاتي تاراپتارى اراسىنداعى سوت داۋلارىن رەتتەۋ پروتسەسى ءساتتى اياقتالعانىن حابارلايمىز. ناتيجەسىندە قازاقستان ۇلتتىق بانك ستاتي تاراپتارىنىڭ قازاقستان رەسپۋبليكاسىنىڭ ۇلتتىق قورىنىڭ اكتيۆتەرىنە تالاپتاردان باس تارتۋىنا جانە شۆەتسيادا بۇعاتتالعان ۇلتتىق قوردىڭ اكتيۆتەرىن قايتارۋعا قول جەتكىزدى»، – دەلىنگەن جۇما كۇنگى حابارلامادا.
ۇلتتىق بانك تۇسىندىرگەندەي، بۇل جاعداي وپەراتسيالىق يكەمدىلىكتى ارتتىرۋعا جانە الەۋەتتى ينۆەستيتسيالىق سەرىكتەستەردىڭ كەڭ اۋقىمىن تارتۋعا جاڭا مۇمكىندىكتەر اشادى. سونىڭ ارقاسىندا قازاقستان رەسپۋبليكاسىنىڭ ۇلتتىق قورىنىڭ ۇزاق مەرزىمدى تابىستىلىعىن جاقسارتۋ شارتتارى جاسالادى.
«قورىتىندى كەلىسىمنىڭ ناقتى شارتتارى قۇپيا»، – دەپ اتاپ ءوتتى ۇلتتىق بانك.
ەسكە سالايىق، مولدوۆالىق كاسىپكەرلەر اناتول مەن گابريەل ستاتي 2010 جىلى قازاقستانعا رەيدەرلىك جولمەن مۇلىكتەرىن تارتىپ الدى دەپ ايىپتاپ، سوتقا ارىز بەرگەن. قازاقستان تاراپى بۇل ايىپتاردى جوققا شىعارادى.
