Moldovalyq käsıpkerler Anatol men Gabriel Stati ısı boiynşa Şvesiiada būǧattalǧan aktivter Qazaqstannyŋ baqylauyna qaitaryldy, dep habarlaidy "Adyrna" ūlttyq portaly Ūlttyq bankke sılteme jasap.
«Qazaqstan Respublikasynyŋ Ükımetı, Qazaqstan Ūlttyq Bankı men Stati taraptary arasyndaǧy sot daularyn retteu prosesı sättı aiaqtalǧanyn habarlaimyz. Nätijesınde Qazaqstan Ūlttyq Bank Stati taraptarynyŋ Qazaqstan Respublikasynyŋ Ūlttyq qorynyŋ aktivterıne talaptardan bas tartuyna jäne Şvesiiada būǧattalǧan Ūlttyq qordyŋ aktivterın qaitaruǧa qol jetkızdı», – delıngen jūma küngı habarlamada.
Ūlttyq bank tüsındırgendei, būl jaǧdai operasiialyq ikemdılıktı arttyruǧa jäne äleuettı investisiialyq serıktesterdıŋ keŋ auqymyn tartuǧa jaŋa mümkındıkter aşady. Sonyŋ arqasynda Qazaqstan Respublikasynyŋ Ūlttyq qorynyŋ ūzaq merzımdı tabystylyǧyn jaqsartu şarttary jasalady.
«Qorytyndy kelısımnıŋ naqty şarttary qūpiia», – dep atap öttı Ūlttyq bank.
Eske salaiyq, moldovalyq käsıpkerler Anatol men Gabriel Statiler 2010 jyly Qazaqstandy reiderlık jolmen mülıkterın tartyp aldy dep aiyptap, sotqa aryz bergen. Qazaqstan tarapy būl aiyptardy joqqa şyǧarady.
Ūqsas jaŋalyqtar
