«قازمۇنايگاز» ۇلتتىق كومپانياسىنىڭ تاپسىرماسى بويىنشا «نازارباەۆ ياحتاسىنا» جارتى ميلليارد تەڭگەگە جۋىق اقشا جۇمسالعان. بۇل تۋرالى Protenge Telegram-ارناسى جازدى، دەپ حابارلايدى «ادىرنا» ءتىلشىسى.
«ۇلتتىق كومپانيا «نازارباەۆ ياحتاسىن» ءوزىنىڭ اكتسيونەرى «قازمۇنايگازدىڭ» اتىنان 488 ميلليون تەڭگەگە ساتىپ العان. ءبىز سانكت-پەتەربۋرگتە كەزدەيسوق «نازارباەۆ ياحتاسىن» تاۋىپ الىپ، بۇل ياحتانىڭ قازاقستانعا قاتىسى بار-جوعىن تەكسەرۋدى ءجون كوردىك. وسىلايشا ياحتا 2007 جىلى «قازتەڭىزكولىكفلوتى» ۇلتتىق كەمە قاتىناسى كومپانياسى ("قازمۇنايگازدىڭ" ەنشىلەس كاسىپورنى) 488 ميلليون تەڭگەگە ساتىپ العان «نۇرتاۋ» ياحتاسى ەكەنى بەلگىلى بولدى»،—دەلىنگەن حابارلامادا.
ايتۋلارىنشا، ياحتا مۇناي تاسىمالداۋعا جارامسىز.
«ءبىز «قازتەڭىزكولىكفلوتى» مەكەمەسىنە بۇل ياحتانىڭ نە ءۇشىن قاجەت بولعانىن انىقتاۋ ءۇشىن سۇراۋ تاستادىق. سونداي-اق باس پروكۋراتۋرادان مەملەكەتتىك كومپانيانىڭ سەرۋەندەۋ ياحتاسىن ساتىپ الۋعا قۇقىعى بار-جوعىن جانە ونىڭ نە ءۇشىن قاجەت ەكەنىن تەكسەرۋدى سۇرادىق. باسقارما سۇراققا جاۋاپ بەرۋدىڭ ورنىنا ءوتىنىشتى «سامۇرىق-قازىناعا» (قازمۇنايگازدىڭ نەگىزگى اكتسيونەرى) باعىتتادى. دەمەك بۇل ساتىپ الۋدىڭ ورىندىلىعىن ەشكىم تەكسەرمەگەنىن بىلدىرەدى»،—دەپ جازدى Protenge.
