قارجىلىق ەكسترەميزم جانە قازاقستاندا تىيىم سالىنعان ۇيىمنىڭ جۇمىسىنا ارالاستى دەگەن ايىپپەن 7 جىلعا سوتتالعان جۋرناليست دۋمان مۇحامەدكارىم ەتاپپەن قىزىلوردا وبلىسىنا جىبەرىلگەنى انىقتالدى، دەپ حابارلايدى "ادىرنا" ۇلتتىق پورتالى KursivMedia-عا سىلتەپ.
ادۆوكات عالىم نۇرپەيىسوۆتىڭ ايتۋىنشا، جۋرناليست تالدىقورعانداعى تەرگەۋ يزولياتورىنان قىزىلوردا وبلىسىنا جىبەرىلگەن. الايدا جازاسىن ناقتى قاي مەكەمەدە وتەيتىنى تۋرالى مالىمەت الا الماي وتىرعانىن ايتادى.
«№ 71 مەكەمەدە (تالدىقورعان قالاسىنىڭ تەرگەۋ يزولياتورى) قۇقىقتىق ءتارتىپتى ساقتاۋ ماقساتىندا سوتتالعان ادام (دۋمان مۇحامەدكارىم) سوت ۇكىمىنە سايكەس جازاسىن ودان ءارى وتەۋ ءۇشىن قاج مەكەمەسىنە جىبەرىلدى»، – دەلىنگەن ءىىم جاۋابىندا.الايدا ءجۋرناليستىڭ ناقتى قاي مەكەمەگە تۇسكەنى تۋرالى ساۋالعا جاۋاپ كەلمەدى. تەك ونى ەتاپپەن جىبەرۋ تۋرالى شەشىمگە پروكۋرور كەلىسىمى بولعانى راستالدى.
ۇقساس جاڭالىقتار
