پاكىستانداعى حالىققا لىق تولعان مەشىتتە لاڭكەس ۇلكەن جارىلىس جاسادى. پەشاۆارىن قالاسىنداعى جارىلعان ءجاميدىڭ [ۇلكەن مەشىت] ساۋ-تامتىعى جوق. وقىس وقيعا سالدارىنان 100-گە جۋىق ادام زارداپ شەكتى، دەپ حابارلايدى "ادىرنا" ۇلتتىق پورتالى "NewTimes.kz" پەن Aljazeera-عا سىلتەمە جاساي وتىرىپ.
قولدا بار مالىمەت بويىنشا، 17 ادام قازا تاۋىپ، 90-نان استامى جاراقات العان. زارداپ شەككەندەردىڭ بارلىعى اۋرۋحاناعا جەتكىزىلدى.
"عيماراتتىڭ ءبىر بولىگى وپىرىلىپ ءتۇستى، استىندا قالعان بىرنەشە ادام بولۋ مۇمكىن", — دەپ پوليتسيا وكىلى سيكاندار حان وقيعانى باياندادى.
جارىلىس پەشەۆارداعى پوليتسيا بولىمشەسىنىڭ جانىندا بولدى. پوليتسيانىڭ مالىمەتىنشە، لاڭكەس قۋاتتى بومبانى مەشىتتىڭ ىشىندە، ءبىرىنشى قاتاردا تۇرىپ جارعان.
ناۋقاستاردىڭ كەيبىرىنىڭ ءحالى مۇشكىل.
قازىر جارىلىس بولعان ايماق قورشاۋعا الىنىپ، قالادا توتەنشە جاعداي رەجيمى ەنگىزىلدى. جارىلىستى جاساۋشى ادامنىڭ لاڭكەس ەكەنى انىقتالدى.
"ادىرنا" ۇلتتىق پورتالى
