ەلىمىزدىڭ باس قالالارىندا ءدىني زاتتار تاركىلەندى

استانادا ەر ادامنان 400-دەن استام ءدىني مازمۇنداعى كىتاپتى تاركىلەنگەن، دەپ حابارلايدى “ادىرنا”. استانا قالاسى پد ەكسترەميزمگە قارسى كۇرەس باسقارماسىنىڭ قىزمەتكەرلەرى جەدەل ءىس-شارالار بارىسىندا ارازدىق تۋدىردى دەگەن كۇدىكپەن پانسيونات قىزمەتكەرىن اشكەرەلەگەن. اتالعان پانسيوناتپەن تۇرعىلىقتى جەرىن رۇقسات ەتىلگەن ءتىنتۋ ناتيجەسىندە 31 جاستاعى ازاماتتان 400-دەن استام ءدىني مازمۇنداعى ادەبيەت تابىلىپ، تاركىلەندى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 174-بابىنىڭ 1-بولىگى (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني ارازدىقتى قوزدىرۋ) بويىنشا قىلمىستىق ءىس قوزعالىپ وتىر. سوت شەشىمىنە سايكەس ۇستالعان ەر ادام 3 جىلعا باس بوستاندىعىنان ايىرىلدى. سونداي-اق، الماتىدا دا قىلمىستىق ءىس تەرگەلۋدە. الماتى قالالىق پوليتسيا دەپارتامەنتى بالالار پانسيوناتىنىڭ اتىن جامىلىپ جۇمىس ىستەيتىن قايىرىمدىلىق مەكەمەلەرىن كامەلەتكە تولماعاندى ء​​وز-وزىنە قول جۇمساۋعا يتەرمەلەدى جانە باسقا دا قىلمىستاردى جاسادى دەگەن كۇدىككە ىلىنگەن. بۇل تۋرالى: - بۇل پانسيوناتتاردا تۇراتىن كامەلەتكە تولماعاندار جۇيەلى تۇردە ءدىني جورالعىلار مەن ۇجىمدىق دۇعالارعا تارتىلعان. بۇعان كونبەگەن بالالاردى تاماق، سۋ بەرمەي جازالاعان، كەي جاعدايدا فيزيكالىق كۇش قولدانىلعان. پانسيوناتتاردا جۇرگىزىلگەن تىنتۋلەر شەتەلدىك ءدىني ادەبيەتتەر مەن وقۋ ماتەريالدارىنىڭ، ونىڭ ىشىندە قازاقستاندا ەكسترەميستىك دەپ تانىلعان جانە تاراتۋعا تىيىم سالىنعان ماتەريالداردىڭ بار ەكەنىن راستادى، - دەپ حابارلايدى پوليتسيا. قازىرگى ۋاقىتتا سوتقا دەيىنگى تەرگەۋ جالعاسۋدا. تەرگەۋ مۇددەسىنە ساي باسقا مالىمەتتەر جاريا ەتىلمەيدى.