XII ناۋرىز كەزدەسۋلەرىندە تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى جۇلدەلى ورىندارعا يە بولدى.
ناۋرىز كەزدەسۋلەرى نازارباەۆ زياتكەرلىك مەكتەپتەرى دببۇ ماڭىزدى ءداستۇرى بولىپ تابىلادى. استانا قالاسىندا جۇزدەگەن دارىندى وقۋشى «بيومەديتسينا، ينجەنەريا جانە تەحنولوگيا» تاقىرىبى بويىنشا ءوز زەرتتەۋلەرىن ۇسىندى.
بايقاۋدا تالدىقورعان NIS كومانداسى بەس عىلىمي جوبانى ۇسىنادى: مەديتسينادا قولدانىلاتىن گيدراۆليكالىق مانيپۋلياتور، قيىن ومىرلىك جاعدايعا تاپ بولعان بالالاردى قولداۋعا ارنالعان «قاۋىپسىز NIS» ءموبيلدى قوسىمشاسى، مەديتسينالىق روبوت-مەدبيكە، جەر سىلكىنىسى مەن تەحنوگەندىك اپاتتار كەزىندەگى قۇتقارۋشى روبوت، سونداي-اق ناشار كورەتىن جانە زاعيپ جاندارعا ارنالعان كوزىلدىرىك.
وسىلايشا، ۆيكتور كاحنو، ماكسيم سۋرين، ميرحايات دەنيدىڭ «كوزى ناشار كورەتىن ادامدارعا ارنالعان كوزىلدىرىك» جوباسى ەكىنشى ورىنعا يە بولدى. ولار اۆتونومدى كوزىلدىرىك ويلاپ تاپتى، ونىڭ كومەگىمەن زاعيپ ادامداردىڭ كۇندەلىكتى ءومىرى ايتارلىقتاي جەڭىلدەنەتىنە سەنىمدى.
اتالمىش جوبا ەكى رەت ستۋدەنتتىك Enactus كونكۋرسىنىڭ جەڭىمپازى، NARXOZ ۋنيۆەرسيتەتىنىڭ مەملەكەتتىك گرانتتارىنىڭ يەگەرە اتاندى، سونداي-اق بيىل كايردە وتكەن «Ai forum» جاستار فورۋمىندا تانىستىرىلىپ، جىگىتتەر Blockchair كومپانياسىنان 10 000 دوللار ۇتىپ الدى.
ءىىى ورىندى ەركەجان ۇمبەتباەۆا مەن ۆيكتور كاحنونىڭ جوباسى جەڭىپ الدى. بۇل دارىگەرلەر مەن ناۋقاستارعا كومەكتەسەتىن «Medbot» روبوتى.
«ءبىزدىڭ روبوت كادر تاپشىلىعى ماسەلەسىن شەشۋگە ارنالعان. توسەككە تاڭىلعان ناۋقاستاردىڭ ءوز-وزىنە كۇتىم جاساۋى وتە قيىن. روبوت ولارعا كومەكتەسە الادى، ول ءدارى-دارمەكتى دەر كەزىندە اكەلىپ، ينەكتسيا جاسايدى، سونىمەن قاتار كۆارتس شامدارى ارقىلى بولمەلەردى دەزينفەكتسيالاي الادى. سونىمەن قاتار، فەيس-كونترول ارقىلى ناۋقاستى تانۋ فۋنكتسياسى بار»، - دەپ ءتۇسىندىردى ەركەجان.
دانيال شوكوبالينوۆتىڭ قيىن جاعدايدا قالعان بالالاردى قولداۋعا ارنالعان «قاۋىپسىز NIS» ءموبيلدى قوسىمشاسى ەكىنشى ورىن الىپ، ۇزدىك ءۇش جوبانىڭ قاتارىنا ەندى.
اۆتوردىڭ ايتۋىنشا، قوسىمشانىڭ نەگىزگى ماقساتى – مەكتەپ وقۋشىلارىنا سۋيتسيدپەن بايلانىستى ماسەلەلەرگە تاپ بولعان جاعدايدا اقپارات الۋعا جانە قولداۋ كورسەتۋگە كومەكتەسۋ.
ءجانيا جۇماتاي مەن ىڭكار قۇرمانباەۆانىڭ قۇتقارۋ روبوتى عىلىمي جوبالارى ارنايى نوميناتسيامەن ماراپاتتالدى. جاس زيالىلار توتەنشە جاعدايدا ادامداردى قۇتقارا الاتىن روبوت قۇراستىردى.
بيىلعى جىلعى ناۋرىزداعى عىلىمي جوبالار بايقاۋى زامانۋي مەديتسينانىڭ جاھاندىق ترەندتەرىنە ارنالدى: دەنساۋلىق ساقتاۋ سالاسىنا جاساندى ينتەللەكت، ماشينالىق وقىتۋ مەن ۇلكەن دەرەكتەردى ەنگىزۋ. كەزدەسۋ قاتىسۋشىلارى نازارباەۆ ۋنيۆەرسيتەتىنىڭ مەديتسينا مەكتەبى جانە ينجەنەريا مەن تسيفرلىق تەحنولوگيالار مەكتەبى، سونداي-اق رەسپۋبليكا پرەزيدەنتىنىڭ ءىس باسقارماسى مەديتسينالىق ورتالىعى اۋرۋحاناسىندا جاڭا تەحنولوگيالاردى تاجىريبەدە قولدانۋ بارىسىمەن تانىستى.
زياتكەرلىك مەكتەپ وقۋشىلارىمەن قاتار جوبا قورعاۋعا عىلىم الاڭىنا العاش رەت 17 اۋىلدىق تىرەك مەكتەپ وكىلدەرى شىقتى. ولاردىڭ استاناعا ساپارىن ءبىلىم بەرۋدى تۇراقتى دامىتۋ قورى ۇيىمداستىردى.
