ماسكەۋدەگى ريازان داڭعىلىنداعى تۇرعىن ءۇيدىڭ جانىندا جارىلىس بولدى، دەپ حابارلايدى “ادىرنا” ۇلتتىق پورتالى.
رەسەيلىك تەلەگرام-ارنالاردىڭ حابارلاۋىنشا، ەكى ادام قازا تاپقان. ونىڭ ىشىندە رەسەي قارۋلى كۇشتەرىنىڭ گەنەرال-لەيتەنانتى مەن ونىڭ كومەكشىسى بار.
اقپارات بويىنشا، تاڭەرتەڭ ريازانسك پروسپەكتىسىندە بولعان جارىلىستىڭ سەبەبى رەتىندە ساموكاتتىڭ رۋلىنە بەكىتىلگەن جارىلعىش قۇرىلعى كۇدىكتەلۋدە. ساراپشىلار جارىلىس جەردەن شامامەن ءبىر مەتر بيىكتىكتە بولعانىن، بۇل ساموكاتتىڭ ءرۋلىنىڭ ورنالاسۋىنا سايكەس كەلەتىنىن ايتادى. جارىلىس تولقىنى جاقىن ماڭداعى پاتەرلەردىڭ تەرەزەلەرىن سىندىرىپ، جارىلىس تاڭعى ساعات 6-دا تىركەلگەن.
اقپارات كوزدەرىنە سىلتەمە جاساعان باق جانە Telegram-ارنالارىندا ايتىلعانداي، جارىلىس سالدارىنان رەسەي قارۋلى كۇشتەرىنىڭ گەنەرال-لەيتەنانتى مەن ونىڭ كومەكشىسى قازا تاپتى. قازا تاپقانداردىڭ جەكە تۇلعالارى ءالى رەسمي تۇردە راستالماعان، سونداي-اق شابۋىلدىڭ باعىتى تۋرالى اقپارات جوق.
تەكسەرۋ ورگاندارى وقيعانى زەرتتەۋدى جالعاستىرۋدا جانە بارلىق نۇسقالاردى قاراستىرۋدا.
ايتا كەتسەك، گەنەرال-لەيتەنانت يگور كيريللوۆ ۇلىبريتانيانىڭ سانكتسيا تىزىمىندە. وعان ۋكراينادا حيميالىق قارۋ قولدانۋعا قاتىسى بار جانە جالعان اقپارات تاراتتى دەگەن ايىپ تاعىلعان. اقش پەن ونىڭ وداقتاستارى رەسەيدىڭ ۋكراينالىق اسكەري قىزمەتكەرلەرگە قارسى حلورپيكرين دەپ اتالاتىن ۋلى زات قولدانعانىن مالىمدەگەن.
