ۋكراينانىڭ ودەسسا قالاسىندا قاتتى جارىلىس پەن ءورت تىركەلدى، دەپ حابارلايدى “ادىرنا” ۇلتتىق پورتالى «پوليتيكا سترانى» تەلەگرام-ارناسىنا سىلتەپ.
ۋكراينانىڭ تسيفرلىق ترانسفورماتسيا مينيسترلىگىنىڭ ونلاين كارتاسىنا سايكەس، 1 مامىر كۇنى ماسكەۋ ۋاقىتىمەن 23.27-دەن باستاپ ودەسسا وبلىسىندا اۋە شابۋىلدارى باستالعان.
«شابۋىلدان كەيىن ودەسسادا جويقىن ءورت بولدى، فوتوسۋرەتتەردى جەرگىلىكتى قوعامدىق پاراقشالار جاريالادى»، - دەپ جازادى تەلەگرام ارنا.
بۇعان دەيىن ۋكراينالىق باقىلاۋشىلار زىمىراندار چەرنومورسك پەن ودەسساعا باعىت العانىن حابارلاعان.
كەي اقپاراتتارعا قاراعاندا، العاشقى شابۋىلدار شكولنىي اەرودرومىندا بولعان، ءورت ۇلكەن اۋماقتى شارپىپ، جارىلىستار مەزگىل-مەزگىل ەستىلگەن.
ال وزگە دەرەكتەرگە قاراعاندا، ۋكراينا قارۋلى كۇشتەرىنىڭ قاجەتتىلىكتەرىنە پايدالانىلعان «نوۆا پوشتا» قويمالارى ورتەنىپ كەتكەن.
ال «نوۆايا پوشتا» ودەسساداعى فيليالىنىڭ ورتكە ورانعانىن راستادى. قىزمەتكەرلەردىڭ ەشقايسىسىنىڭ زارداپ شەكپەگەنى اتاپ ءوتىلدى.